Fratelli Rossetti 牛津履論

意大利尊貴皮鞋品牌Fratelli Rossetti，其優質素材配合卓越造鞋工藝得到「星」望，加上食住時裝界興起masculine熱，品牌的Hobo shoes與皮鞋款式都深得名模與時尚達人擁護，成為風頭躉，自認鞋癡的Marie說：「我覺得鞋有畫龍點睛的美化效果，係一身造型的亮點；着鞋唔單止求舒服，仲要時尚，我冇特別鍾意邊類型鞋款，只要舒服美觀，我會一個款買幾對，用嚟襯衫，我絕對唔會為靚而着爛腳，苦了自己！」繼表示品牌以60多年的傳統技藝結合優質素材，風格時尚得來又穿得舒適！

被老公寵壞

Marie坦言訂造兩個大鞋櫃來儲藏鞋子：「兩個鞋櫃好大，實質尺寸唔清楚，我真係愈買愈多，多到依家都唔係好夠放。（老公都係鞋癡？）唔係，佢平時着西裝返工，得幾款皮鞋，平日都係得一、兩對波鞋替換。」她幸福地表示老公從不詐型，對她愛錫有加任買，笑說：「佢比較慳，慳晒畀我shopping，佢真係有啲寵壞我，所以我會對佢更好！」更笑言日後定必買到有一個屬於自己的「鞋」子天地。

Hobo鞋 $4,680

Open-toe shoes　$4,980

大流蘇細節

Fratelli Rossetti今期主打的Hobo系列是不綁繩的Oxford shoes設計，換上新色之餘，也加綴有大流蘇細節；而另一款的Brera搭配紮染和藤織等素材及earth tone用色，特點堅持由工匠大師人手製造，傳統工藝將時尚風格不斷延續下去。兩者雖沒有誘發女人味的高踭，但平底設計卻透出另一番韻味。

Sandals $4,590 St. Tropez手袋 $8,080	$7,880	$28,800

時尚貴氣

Fratelli Rossetti「袋」表作與鞋履設計同樣出眾，除了用上柔軟的羊皮外，還有矜貴的蟒蛇皮等，而且色彩豐富、圖案也抽象，時尚貴氣中帶點視覺趣意。

設計男鞋

Marie近期為HotCha擔任形象指導，坦言希望日後能與品牌交叉合作，一嘗做設計師滋味，她表示設計男裝挑戰性較大：「男裝款式變化不大，要從商業與藝術間取得平衡唔係易事，我好欣賞Fratelli Rossetti男裝設計很有藝術美感，Brera與Oxford shoes均以皮革鞋面造出藤織效果，我都希望能有幸參與設計工作。」

$8,980	$8,980	$6,980

採訪：劉慰思

攝影：劉智源

服裝：KOOKAI

場地：HABITU RISTORANTE The Garden（銅鑼灣）