在香港這片彈丸之地，人多，Smartphone也多，大人細路搭車食飯都梗有一部喺手。機種雖然五花八門，但假若要數最受歡迎的App或者遊戲，卻非Angry Birds莫屬。君不見近年花市Angry Bird各造型產品大賣？若果你嫌Out，恐怕要一到芬蘭不可。於今年的4月28日，首個官方授權的Angry Birds主題樂園在其家鄉芬蘭一個名為Särkänniemi Adventure Park內面世！離開首都赫爾辛基約2小時車程的Angry Birds Land，有12個機動遊戲之多，而且大人細路都照顧到，年紀較輕玩唔到太刺激的小朋友，亦可於園內的冒險樂園盡情擒上擒落，認真識做！雖然現時尚有部分設施興建中，要到6月8日正式開幕先至現真身，不過依家開始計劃行程都差不多了！