係！我認自己包拗頸，最愛唱反調，人哋話靚女我一定話麻麻，人哋話必睇嘅戲我卻敬而遠之。對待超級英雄也如是，總抱着「睇你威得幾耐」之心態，終日妄想奸角能反敗為勝。原來不少人跟我理念一致，最近柏林的Deschler Gallery便舉行「Broken Heroes Exhibition」，幾十位動漫英雄落入藝術家Patricia Waller手中，齊齊變成落難英雄：超人竟然撞牆（唔係踢波玩撞牆，真係撼頭埋牆）、蜘蛛俠反被蜘蛛絲所綁，Winnie-the-Pooh仲要吊頸慘死……請別投訴，錦上添花誰不會？但看到英雄落難之時，仍然不離不棄，才是真正的粉絲啊！