可愛防塵塞 裝飾有法

很多女士都鍾意同手機扮靚，但單靠換機殼和黏閃石實在太普通，剛到埗的耳機防塵塞應該係女士們嘅恩物，皆因除咗有Cute到暈的動物造型Sonny Angel外，仲有寶石、迪士尼卡通人物等款式，最誇張係有埋大大個的毛冷花朵造型，Colourful之餘勁好手感，插入手機後，肯定成為眾人焦點！

毛冷款式至搶眼

耳機防塵塞唔算係新產品，但以往的設計多以實用行先，細細粒又冇特色，貪靚嘅女生自然睇唔上眼。近期新推出的防塵塞就夠晒盞鬼，好似Sonny Angel系列便以小動物為主題，一次過推出12款如兔仔、青蛙、公雞、熊貓等，配埋BB個得意樣，女仔肯定讚佢Kawaii！而迪士尼亦推出公仔款式，分別有小熊維尼、史迪仔、小金及三眼仔，粉絲必冧。

不過要數最有特色，一定係毛冷織成的防塵塞，太陽花、紫羅蘭等造型分別以粗、幼冷織成，大大個夠晒搶眼！

Sonny Angel換上動物造型，公雞、青蛙等相當有趣！售價：$48/各（a）
  • Sonny Angel換上動物造型，公雞、青蛙等相當有趣！售價：$48/各（a）
寶石設計像真，仲有5色任揀。售價：$48/各（a）
  • 寶石設計像真，仲有5色任揀。售價：$48/各（a）

撰文：林子聰　攝影：謝孝祥

迪士尼三眼仔、小熊維尼等角色當然唔少得。售價：$29/各（a）
  • 迪士尼三眼仔、小熊維尼等角色當然唔少得。售價：$29/各（a）
紫羅蘭及士多啤梨等以冷線織成，撞色勁突出。售價：$118/各（b）
  • 紫羅蘭及士多啤梨等以冷線織成，撞色勁突出。售價：$118/各（b）

查詢電話：（a）2417 0002、（b）2374 0618