Happy Easter！食玩滿Fun

尋蛋樂無窮

一家大小歡度復活節假期，即使不外遊，在酒店住兩天都有大把好節目，小朋友一樣咁開心。港島海逸君綽酒店將於4月6日至9日推出「復活節合家歡住宿組合」，只需$2,088，便可入住並由高級海景客房免費升級至貴麗豪華海景客房，同時包兩位成人及1位小朋友於酒店內的Harbour Grand Cafe享用自助午餐，計一計，有着數！小朋友最開心，因為酒店安排不少免費特別活動，讓小朋友大玩特玩，像韻律泳訓練班，又或復活節尋蛋樂；畫滿不同圖案的繽紛雞蛋會放在花園內隱蔽的地方，小朋友齊齊四出「尋蛋」，搵得最多的更可贏得Easter Hamper一個，玩餐飽兼有禮物，滿Fun！

澳洲特色美食

尋蛋固然好玩，幸好吃的不只得雞蛋！Harbour Grand Cafe屆時會供應以澳洲及復活節為主題的自助餐，30多款澳洲特色美饌源源奉上，像2公斤重的烤羊髀、松露醬燒和牛等，還有多種澳洲「名食」如袋鼠肉、鱷魚肉及鴕鳥肉等，外間少有。當然，最得大人小朋友歡心的還是甜品，大廚會設計8至10款復活節甜點，輪流推出，包括朱古力泡芙、甘筍朱古力蛋糕、白朱古力芝士餅等，色彩繽紛，造型立體，加上12款口味Mövenpick雪糕無限量任食，Yogurt、Panna Cotta、Maple Walnut……口味選擇花綠綠，吃不停口！

花園裏不同角落會放滿繽紛雞蛋，參加「復活節合家歡住宿組合」的小朋友，即可免費加入尋蛋樂！	松露醬燒和牛 和牛薄片加入黑松露醬、黑胡椒、紅酒等醃製，輕煎後油花盡出，集酒香松露香肉香油香於一身。	香草燒羊髀 重2公斤的羊髀來自新西蘭，先以香葉、蒜頭、雜菜及芥辣醃1天，再以攝氏180度火燒45分鐘，好香口，羶味不太濃，肉質夠嫩滑。

「復活節合家歡住宿組合」（a）

Panna Cotta 鋪上杧果粒，賣相像雞蛋般，好Cute，食落既香且滑。

朱古力忌廉布丁 朱古力布丁香醇，質感超滑溜，放上兔仔造型朱古力，Cute！

日 期：4月6日至4月9日

大吉嶺紅茶朱古力撻 62%可可濃度的黑朱古力加入紅茶忌廉，質感好Rich，被朱古力的張力所融化！可可香中紅茶香味徐徐滲透，好吃。

白朱古力芝士蛋糕 大廚以紐約芝士餅作基調，加點紅莓果醬，酸酸咪咪不覺膩，還有小兔裝飾，靚！

收 費：$2,088起（包1晚入住貴麗豪華海景客房、2位成人及1位小童自助午餐）

自助午餐：成人$338/位，小童$228/位

自助晚餐：成人$558/位、小童$328/位 （另收加一服務費）

走進朱古力天地

若說復活節的主角是雞蛋，朱古力就是大配角！The Mira的餐廳Yamm為了滿足各大朱古力粉絲，於4月8日舉行「朱古力自助餐天地」，大廚特別選用法國Valrhona不同濃度的朱古力炮製各式甜點，白的黑的牛奶的，統統化身不同造型和口感的甜點共20多款，好誇！每款甜品所含的朱古力分量各有不同，如較醇厚的大吉嶺紅茶朱古力撻，以62%可可濃度的黑朱古力製成，Rich之餘亦充滿張力；還有白朱古力芝士蛋糕、法式香橙朱古力蛋糕，甚至朱古力麵包，簡直完全被朱古力包圍，So Sweet！此外，早午餐時段更設有復活蛋與圖畫填色樂及魔術師精彩表演，吃喝玩樂一Take過！

朱古力自助餐天地（b）

日期：4月8日

收費：自助早午餐（11:30am~3:00pm），成人$368/位，小童$218/位

自助晚餐（6:30pm~10:00pm），成人$588/位、小童$348/位（另收加一服務費）

海底世界水果美饌

復活節假期，想食玩一天遊？不如去海洋公園吧！除了各種刺激機動遊戲，亦可走進海洋館，感受一下寧靜的海底世界，更可到海龍王餐廳，試試全新推出以花果山為主題的下午茶自助餐，一邊欣賞海底靚景，一邊享用「花果山」。這「花果山」，其實即選用近20款新鮮水果製成的鹹甜美點，甜品有烤香蕉忌廉酥、北海道鮮奶杧果撻、黑加侖子喱等，較特別的有士多啤梨雞翼和鮮果樂園薄餅等。部分美食像鮮果班戟、果撻及復活蛋等都可按個人口味隨意加入生果、朱古力、果仁和糖果等配料DIY，創出自我口味！

復活節花果山下午茶自助餐（c）

日期：即日至5月6日（逢星期六、日及公眾假期）

時間：3:00pm~5:00pm

收費：成人$168/位、小童$128/位（另收加一服務費）

撰文：陳恩怡

部分攝影：張群生

模特兒：張皓鈞、周靜雯

（a）地址：北角油街23號港島海逸君綽酒店

查詢電話：2121 2616（訂房） 2121 2689（餐廳）

（b）地址：尖沙咀彌敦道118號The Mira大堂

查詢電話：2315 5111

（c）地址：香港仔海洋公園夢幻水都

查詢電話：3923 2268