唔使問，iPhone近期最Hit的App一定係《Draw Something》，人人繪畫估字、估完再畫，與好友互相過招！更不時有人在facebook貼出自己嘅神級作品，有晒陰影、線條，認真誇張！其實除了《Draw Something》外，iPhone仲有不少估圖和繪畫Apps，一於裝晒佢哋，同朋友玩多Turn啦！
「猜猜畫畫」嘅Apps其實一直存在，因乜解究《Draw Something》可以一炮而紅？其facebook搵朋友互鬥的功能，以及可以iOS、Android跨平台互鬥，相信都係誘因。這App會自動幫你搵晒facebook入面有玩呢個遊戲嘅朋友，咁大家就可以隨時撩人玩，邊估邊畫，如果兩邊都輪流估中的話，Turn嘅數量仲可以累積，近排有人已經挑戰到Turn 99，勁！
而App嘅玩法其實都係先估再畫，畫的時候，每次有3種Coins嘅難度畀你揀，對方答中就有相應Coins送畀你，讓大家買炸彈、顏色筆等道具。不過要留意，官方稱免費版只有900個生字，玩得耐難免撞字，畀0.99美元買完全版就會多2,000個生字，抵唔抵就見仁見智喇！
《Draw Something》考你畫功，亦間接激發咗唔少人嘅繪畫細胞，想實時同朋友估字，或者得閒畫畫露兩手，以下幾隻Apps就啱晒各位喇！
近幾個星期幾乎人人玩《Draw Something》，同班Friend過招的同時，仲有唔少勁靚嘅作品喺網上流傳，好似其官方facebook page有唔少人將傑作Post出來，不僅有Monopoly、《One Piece》嘅Chopper，連「林瘋」都出埋，加上經典的KFC和Titanic等，真係唔知各位神人點樣可以畫得咁靚，佩服！不過小記最唔Buy有人唔識畫就寫字，搞到遊戲冇晒趣味囉！
《Draw Something》係就係好玩，不過有唔少人為咗「雕琢」作品，搞到遊戲節奏勁慢。這App變成同步邊畫邊估，仲限時1分鐘內畀各地流動玩家一齊估，節奏超快。最特別是對應Random搵朋友，好大機會遇到外國高手，估字快狠準！
這款新的畫圖App，特別的地方是支援最多5個Drawing Layers，各個Layers可獨立咁畫，方便大家隨時改變背景、構圖，功能相當專業。而且它仲提供Online Gallery畫室，睇吓人哋啲作品來激發靈感都唔錯。
這App雖然只支援一種筆迹，但可以畫出毛筆水墨畫風格，效果非常特別。另外，用家可以寫出不同的粗幼筆觸，還可隨時換底紙，好似日本和紙、金屬等，營造不同效果，適合喜歡「寫大字」的iPhone用家。
撰文：林子聰