美國直擊實試新iPad靚芒清霸

iPad 3抑或iPad HD？在香港時間星期四凌晨舉行的Apple產品發布會上，新教主Tim Cook形容這部用上超靚Retina Display的新機為「The New iPad」，其實大家都理解做第3代iPad吧！新iPad擁有5大超強賣點，除了用上2,048×1,536超高解像度屏幕及A5X新處理器外，機背更配上500萬像素iSight鏡頭，兼支援語音輸入和4G LTE網絡。現場反應所見，最令大家興奮係精細到連Pixel都見唔到嘅超清靚芒，其他Tablet真係冇得比！

後Steve Jobs年代，新舵主Tim Cook主持iPad發布會愈見魅力。

新教主登場

發布會於美國時間3月7日10:00am舉行，但最早來霸頭位的電視採訪隊7:15am已經到場；當發布會開始時，全瑒都鼓掌歡迎新教主Tim Cook，其後當他介紹剛在阿姆斯特丹及紐約中央車站開設的新Apple Store，一度被台下觀眾的掌聲打斷，雖然他與Steve Jobs的演說技巧還有段距離，但已比去年發布iPhone 4S時進步。發布會除了有一環節揶揄S牌Android Tablet玩《Yelp》App時，只有「加大版」Smartphone感覺，難以跟iPad的豐富內容相比外，更指出去年第4季iPad銷售數字，已超越所有個人電腦、手提電腦廠商！

Retina Display超越全高清

至於新機有幾強？小記實試新iPad的Retina Display，擁有2,048×1,536解像度，每吋像素密度達264ppi，超越全高清質素；肉眼在15吋外觀看畫面，已經冇可能睇得見Pixel，而且顯示畫面的飽和度更比iPad 2提升40%以上，相片像真度極高！為配合新iPad無敵顯示屏，鏡頭及攝錄功能亦隨之升級，機背iSight鏡頭具備500萬像素，支援自動對焦、自動白平衡功能；而且可攝錄到1,080p影片，可以在超高清解像度顯示屏上，透過《iMovie》剪輯1,080p影片，係第一部流動裝置有齊以上功能。

售價：$3,888（16GB Wi-Fi）、$4,688（32GB Wi-Fi）、$5,488（64GB Wi-Fi）

售價：$3,888（16GB Wi-Fi）、$4,688（32GB Wi-Fi）、$5,488（64GB Wi-Fi）

雖然新機比iPad 2厚0.6mm，但拎上手後唔覺有大差別。

放大後文字仍然圓滑冇狗牙，睇電子新聞一流。

全場齊撐《iPhoto》

發布會另一長時間拍手位來自介紹《iPhoto》，系統升級至iOS 5.1便可安裝，只需簡單的點選畫面，即能做到全方位圖像編輯功能，操作介面又靚又易用，只需4.99美元便可得到。另創新引入Voice Dictation語音輸入功能，今次以聲控代替手寫或虛擬鍵盤打字，並首先支援日語語音，小記即場以日語測試，認字成功率都有8成以上。但講到發布會最震撼的消息，莫過於新iPad的推出日期，將會同美國等地睇齊在3月16日登陸香港，價錢跟iPad 2初推出時相同，但4G LTE版新iPad就要遲啲再公布！