講Apps數量，一向都是iOS佔優，但若論交友Apps，就真係未必夠Android多。特別係3月14日白色情人節就快到，如果各位男士想送禮物、傾心事都苦無對象，你話幾慘情呢！點樣先至可以喺短時間內一擊即中？最好當然靠Apps搵吓周圍有乜朋友，甚至睇相挑選對象，這方面Android手機絕對幫到手。
售價：免費
這個App的名字與孫燕姿首本名曲一樣，相信是期望各位可以和這首歌的主角一樣，擁有大團圓結局；而這App可以找到附近同樣使用《遇見》的用家，無論在排隊、搭車、散步，隨時隨地都可以「找朋友」功能，與附近的陌生人溝通，甚至分享照片，還可進入熱鬧的聊天室，結識更多朋友。
售價：免費
近來愈來愈多人使用《微信》App，除了因為它通訊起來比《QQ》、《WhatsApp》更穩定外，還備有多種結識新朋友的方式，不但可找附近的陌生人聊天，還有「搖一搖」隨機聯繫使用這功能的玩家，甚至有「漂流瓶」可於伺服器留下情深說話，等待有緣人拾獲而互相結識，十分有詩意。
售價：免費
在眾多交友Apps之中，《Go朋友》是少數可讓用家知道誰人睇過你個人資料的App，而且不但人家睇你會有紀錄，連你睇過邊一個或是收藏了的陌生人，其他人都可即時見到，這樣便可互相留下印象。何況此App本身可作相簿之用，比起其他諸多限制的Apps好用得多，瀏覽陌生人相片時，也可睇得更加透徹。
售價：免費
《SKOUT》本是外國出品，功能比起一些國產Apps更完善，最特別的地方是需要透過任務來賺取點數，從而啟動更多功能，而且其介面流暢度更勝同類Apps。由於這App於iOS推出多時，所以如今在Android能找到的朋友數目也較多。此外，它跟不少社交網絡都有聯繫，可藉facebook、twitter等帳戶登入，不需另開新戶口。
售價：免費
同樣可以做任務儲點數，但《Say Hi》的點數稱為「Hi幣」，用於把玩家置於搜尋首頁，等其他人易啲搵到你！此App亦有定位交友服務，可結識到周圍的陌生人，而搜尋功能還可設定搜索距離；其全中文介面令不諳英文的用家更為受落，讓用家可利用不同方法與陌生人「Just to Say Hi」！
撰文：譚文龍