過江龍大廚　鐵板玩花式

吃日本料理，都以「靜態」居多，唯獨鐵板燒，由師傅手執小鏟席前炮製，兩三下功夫，乾淨利落，色香味即席上碟，好精彩。城中高級而正宗的鐵板燒店不多，有功架的師傅更難求；最近得悉「鐵板燒海賀」有新廚師上場，據講更是日本總店的開國功臣，不知水準是否與本店看齊？等我率先去見識見識！
炮製成「拱橋」造型的花竹蝦，過癮！
  • 炮製成「拱橋」造型的花竹蝦，過癮！
A5飛驒牛 $1,500/150克<br>矜貴日本A5飛驒牛，油花極多；在鐵板上燒得外熟內生，入口即融，更爆出濃重肉汁油香。
A5飛驒牛 $1,500/150克
矜貴日本A5飛驒牛，油花極多；在鐵板上燒得外熟內生，入口即融，更爆出濃重肉汁油香。

鐵板燒：鏟起刀落

香港有不少鐵板燒專門店，但做得正宗卻少之又少，背着日本銀座人氣鐵板燒專門店「鐵板燒海賀」之名，經理說這是首間海外分店，無論用料及做法都忠於原著。今天我更有幸遇上新上場的長谷川克哉師傅！他是銀座總店和香港分店的開國功臣，難得大師傅沒有架子，邊做鐵板燒邊與我們傾偈，好Nice！原來他當上鐵板燒師傅20年，年少時曾做過法式料理，怪不得連鐵板燒的賣相都與別不同！看他「鏟起刀落」，將花竹蝦在鐵板上做成「拱橋」狀，上碟時又把蝦頭、蝦尾等堆砌成藝術品般，看得我們目瞪口呆！燒鮑魚呢？竟在碟上放上海鹽和點火！比起在鐵板上點火，感覺更精彩震撼。

生熟控制準繩

大師傅做鐵板的手勢也好純熟，大部分食材都只用海鹽調味，沒有花巧醬汁，吃出材料原味，而且食物的生熟度控制得好，連食物上碟後的餘溫也計算在內，牛肉海鮮不會過老，食落多汁。日本A5飛驒牛，肉味一定濃香，做得剛好外熟內生；海鮮做得出色，肉質鮮嫰，激讚！

  • 放大圖片
雪櫃中擺放多款矜貴食物。
  • 雪櫃中擺放多款矜貴食物。

刺身壽司：時令刁鑽！

高級料理店，刺身壽司質素是預料中好，海產以北海道及九州來貨居多；當天吃的就由廚師發辦，索價$1,300（2人分量），大部分都是少見的野生貨色，像油甘魚、銀鱈魚、白子等，魚味突出而富彈性，白子入口好Creamy，統統都吃得出新鮮。至於壽司，米飯鬆化，米香好濃，師傅話用日本純情米炮製，加上燒香的左口魚和秘製醬汁，魚油脂香滲進飯粒內，好甘香。

火燒鮑魚　$500/隻<br>用蝦夷黑活鮑，在鐵板上仍在郁動，極新鮮！上碟後師傅會點火，賣相令人嘩聲四起，入口嫩滑無比，並帶丁點鹹鮮，美味！
  • 火燒鮑魚　$500/隻
    用蝦夷黑活鮑，在鐵板上仍在郁動，極新鮮！上碟後師傅會點火，賣相令人嘩聲四起，入口嫩滑無比，並帶丁點鹹鮮，美味！
鐵板燒花竹蝦　$250/隻<br>原隻約50克重的花竹蝦在鐵板上由生煎到熟，上碟時堆砌得精美，鮮味又好睇。
  • 鐵板燒花竹蝦　$250/隻
    原隻約50克重的花竹蝦在鐵板上由生煎到熟，上碟時堆砌得精美，鮮味又好睇。

午市：前菜選擇少！

店子位於尖沙咀The ONE的19樓，位置談不上超班，但景致都算開揚，天氣好的話，坐在特大玻璃窗前的鐵板枱，更可看到藍天白雲，加上師傅好健談，氣氛都算輕鬆；唯一要彈的是看不到維港景色。午市人流較多，皆因有套餐供應，每位約$198至$290，包自助前菜、主菜和甜品（或飲品）；前菜選擇略嫌不夠多，只有煮竹筍、日式沙律、咖喱雞肉之類，不過這個收費和檔次，單吃主菜已值回票價。

左口魚邊壽司　$60/件<br>用鬆軟的純情米，左口魚邊加醬汁輕輕燒香，油脂滲入飯粒內，甘香鮮味。
  • 左口魚邊壽司　$60/件
    用鬆軟的純情米，左口魚邊加醬汁輕輕燒香，油脂滲入飯粒內，甘香鮮味。
日式前菜（隨午市套餐附送）<br>選擇不多，有煮竹筍、熟蝦、菠菜本菇等。
  • 日式前菜（隨午市套餐附送）
    選擇不多，有煮竹筍、熟蝦、菠菜本菇等。
刺身拼盤　$1,300（2人分量）<br>大部分是野生貨，如油甘魚、銀鱈魚、白子等，更有時令的金目鯛、馬糞海膽及針魚，款款新鮮有光澤。
  • 刺身拼盤　$1,300（2人分量）
    大部分是野生貨，如油甘魚、銀鱈魚、白子等，更有時令的金目鯛、馬糞海膽及針魚，款款新鮮有光澤。

總評分：A-

撰文：陳恩怡　攝影：陳富權

地址：尖沙咀彌敦道100號

The ONE 19樓

查詢電話：2972 2888