Back in Time昭和街頭日本甜品

懷舊昭和街景

去過「瀰月屋」本店，都知它以日本昭和年代（1926年至1989年）的懷舊家感覺為主題；今次分店也繼續停留在該年代，打造舊時京都街頭感覺。地方比本店更寬敞，布置更大「製作」，電燈線、木街燈、復古明星海報、貼滿和風貼紙的風箏及木椅……營造出京都舊街景面貌。老闆更花上2、3年時間從日本搜羅60、70年代木製京都式電話亭、絕版日式投幣電話、郵筒等，令人恍如置身博物館中。最矚目莫過於50呎長的榻榻米，延伸至店門外，牆上飾有假窗，榻榻米盡頭的紅柱則仿照該年代的京都大橋橋躉，坐在「榻榻米橋」上吃甜品，特別和味。

獨家6款新甜品

裝修復古，甜品也堅守傳統味道。老闆Jaxon特別為新店設計6款獨家時令甜品，包括寒梅葛軟糍、雪蝶燒、玄米奶凍、烙薯蕷、蘋果大福、玄米黑豆抹茶等，有熱有凍，大部分都選日本和其他地方的當造材料炮製，製法也秉承京都和菓子的精巧細緻，像烙薯蕷，將時令的黃、紫番薯以糖和香料浸煮入味，再沾米漿烘煎，入口帶有米香，內裏香甜鬆化。不過最受歡迎還是雪蝶燒，燒年糕製成薄薄的蝴蝶形狀，讓人想像到蝴蝶在雪地飛舞；須知道日本人品嘗和菓子最注重意境，這裏用來盛載甜品的瓷碗、漆器極為精美，就連墊底的印花紙都從日本訂製；甜品端來，無不令人驚艷。

玄米奶凍 $35 以黃金比例的玄米茶及3.6北海道牛奶混合，經煲煮和2至3次隔渣後製成，入口滑溜，香濃奶味中滲出玄米茶香；附上鬆化日本米通同吃。	燒紫薯菓 $42 內餡是日本紫薯及黃薯，刮蓉去渣後包在混入紫薯蓉的煙韌粉皮內，先蒸後焗再燒，工序繁複，香甜鬆化，每天最多30客，搶！	烙薯蕷 $38 日文漢字「薯蕷」是芋頭和番薯類的統稱。選當造的日本黃番薯、中國紫薯，以香料、糖等浸煮入味後，外層沾上米漿烘煎，淡淡米漿味正好平衡甜味。

便當新登場

新店更於一月開始供應便當，每天一款，天天不同，以少肉多菜健康為大原則。當中每小格菜式都按當天新鮮食材炮製，有雞卷、福袋、年糕、壽司、蟹棒、八爪魚仔、醃菜等，每次來都有驚喜。吃完便當再直落吃甜品，下次約會日本朋友吃飯有頭緒了。

寒梅葛軟糍 $38 以醃製梅汁及梅絲製成，酸甜開胃又軟糯。可蘸黃豆粉及綠茶粉吃，前者豆味香濃而不嗆喉，後者味道清香。	便當 $68（優惠期至2月1日，原價$98） 便當好大堆頭！每天只有一款，並限量100個，客人可自選蕎麥麵、烏冬或飯，而小菜則按當天食材而定。	新店主題是昭和街景，老闆花上數年時間於日本搜羅古董珍品，如投幣電話、街燈、郵筒等，全部都有30、40年歷史。

地址：尖沙咀彌敦道36至44號活方地庫29號舖

熱狗即叫即做，製作時開放式廚房傳出香噴噴烤腸香味，令人食指大動。	美式熱狗 $28（加$11可配薯條/沙律/甜品、飲品/湯） 可自選麵包及香腸，特別推介牛油軟包夾蘋果雞肉腸，香腸不膩， 軟包帶微甜，再淋上少許Downtown芥辣，Perfect Match！	德式熱狗 $38（加$11可配薯條/沙律/甜品、飲品/湯） 德國人食熱狗原來不會把香腸夾在包內。香腸選擇一濃一淡的最佳；德式小麥包外脆內軟，最啱逐少搣出來食。

查詢電話：2724 6565

費成芝士牛肉狗 $38（加$11可配薯條/沙律/甜品、飲品/湯） 美國流行的另一食法，原塊牛髀肉燒熟切片，肉味香濃，再加上車打芝士、炒洋葱及蘑菇，勁飽肚。	裝潢簡約，白色的枱配襯黑、白、紅、黃4色的高腳椅，有型又悠閒。	Original Churros $30 6吋長原味Churros即叫即炸，外脆內軟質感像冬甩，吃時蘸香濃朱古力醬，好香甜！

時光倒流到昭和

HaLam@尖沙咀瀰月屋 32人讚好！

Deluxe Churros $35 4吋長Churros中心有朱古力醬和Vanilla Cream，質感輕軟，食落感覺像泡芙。

Hot Chocolate $30 即點即煮，以澳洲牛奶加入6片比利時朱古力磚炮製，香濃幼滑，感覺幸福。

卡西高：嘩！呢度好有Feel喎！天后間瀰月屋的家庭設計好正，估唔到今次仲型！:-o

HaLam：係呀！啲擺設分分鐘大過你同我！><

師傅：我尋日都啱啱去咗喎！店內仲播我至愛的山口百惠、近藤真彥嘅歌，Fit晒嗰個年代。^^

皮皮：新店有咩特別先？

HaLam：便當！侍應話靈感取自日本新幹線車站的便當喎。搞笑！>3<

媽媽：有咩甜品好食？我主攻甜品！XD

HaLam：好多喎！甜品靚到嘩嘩聲！我上次同Frd食咗雪蝶燒啦、烙薯蕷啦，你睇相就知！><

卡西高：不如今個Weekend再去啦！

HaLam：好呀！我哋仲可以Book間VIP房，5位以下最低消費$500咋，唔算貴吖。:p

麵包專家賣熱狗

開業11年的Pumpernickel又開分店？不是！今次開熱狗專門店，叫Downtown Hot Dog。身為麵包專家，熱狗包不再是配角，全用歐洲麵包，經天然酵母發酵，既軟熟又富牛油香，有芝麻黑椒脆包、牛油軟包和德式小麥包供選擇，全部每天鮮製，新鮮鬆軟。香腸款式也多，有7款，全由美國入口，如波蘭煙腸、法蘭克福腸、蘋果雞肉腸等。店主更按不同甜度和辣度自製4款開胃芥末醬，最正是招牌Downtown芥辣，辣中帶酸，開胃不嗆喉；而香甜芥醬則以法國芥辣Dijon Mustard調製，甜甜哋易入口。除腸仔熱狗外，店中另一必點是費城芝士牛肉狗，以原塊美國牛髀肉燒熟切片，肉味香濃，再加上車打芝士、炒洋葱及蘑菇，作為Lunch，夠分量。

地址：荃灣楊屋道8號如心廣場120號舖

查詢電話：2400 9195

食條好熱狗

河馬@荃灣Downtown Hot Dog 25人讚好！

Helen：間舖牆身有黑白色紐約街頭照圖案，係咪食地道美國嘢架？^^

河馬：無錯！係熱狗！製作好認真！老闆娘話麵包同醬汁都係自家製，個芥末醬正到暈。Yummy！>.<

Mo：聽聞Downtown Hot Dog係Pumpernickel嘅副線，麵包一定得啦！香腸又得唔得？

河馬：識貨喎！7款香腸全由美國入口，由100%豬肉或全雞胸肉製成，所以肉味重又Juicy！正呀！^^

Helen：Gogogogogo!!!

暖笠笠西班牙油條

去過西班牙旅行，見當地人早餐和甜品都會吃一條長長的炸麵包條，似足我們的油炸鬼！原來它叫Churros！最近經過赤柱，發現有家小店叫Chugurt，專賣Churros。店主胡生從外國遊客中得知此物，於是從美國買來機器，每天按照傳統製法，以韓國麵粉、美國雞蛋及澳洲的無鹽牛油製成粉糰，放進機器壓成一條條的麵粉條。即叫即炸熱辣辣，在外脆內軟的油條上撒上沙糖及肉桂粉，質感味道像冬甩，再蘸比利時朱古力醬，香濃可可味特別窩心。Churros不只得原味，還有4吋長的Deluxe味道，中間有朱古力醬及Vanilla Cream，一口咬落，暖笠笠內餡隨即流出，美味！

地址：赤柱佳美道23號赤柱廣場G08B號舖

查詢電話：2813 6782

搞鬼！食西班牙油炸鬼

艾美@赤柱Chugurt 22人讚好！

Laddygaga：Chugurt、Chugurt，豬吉豬吉？個店名咁得意嘅？>.<

艾美：醒喎！一睇個Logo豬仔就知！老闆話Chugurt其實是Churros＋Yogurt，有咩食唔使多講啦！>3<

菲比比：我知我知，Churros即係西班牙油炸鬼！XD

大力：正呀！用佢嚟點暖朱古力醬吃，1次滿足香、甜、暖3個願望！

菲比比：但我金舌頭要知佢用咩朱古力先去試喎 =p

艾美：你放心！朱古力醬由比利時朱古力磚融化製成，可可味超濃。熱朱古力亦好杰好濃，冬天飲一流！

菲比比：嘩！好吸引，聽完即去！

撰文：陳穎雯

攝影：梁偉德、胡淑儀、陳富權