冬至加餸 名廚矜貴小菜@Home

名廚出手

九龍城又有新開美食店！走過獅子石道，就見新店「醉名廚」。歐陸式的設計，門面光鮮闊落，主打高級乾濕雜貨。入廚新手一定要留意凍櫃！放滿品牌與不同廚師合作出品的小菜系列，全以盒子盛載，翻熱即食；前菜、主菜、湯羹樣樣齊，全出自名牌食府的猛料廚師，包括香港十大名廚之一的李駒師傅、大喜慶高榮新師傅、本港著名廚師李錦聯及2012年米芝蓮2星食府新同樂的大廚等。首推新同樂的燒汁乾煏牛肋骨及蝦子柚皮，前者花時間炆煮，將醬汁盡逼進牛肉內，好入味；後者工夫多，柚皮好鬆化，每口都是蝦子鮮美，好難在家中自煮。宴客的話，清酒鮑魚就大派用場，李駒師傅以日本清酒煮鮮鮑，鮑味滲出清酒甜香，比蠔汁炆來得有新意。不過，由於菜式都是每天鮮製，統統都屬限量，要有好餸開餐就要快！

鮑魚專櫃

想吃傳統鮑汁炆鮑魚，亦有大把選擇！因為店中有個鮑魚專櫃，網羅南非、日本、台灣、澳洲、韓國和墨西哥等地乾鮑和鮮鮑。老闆透過美食結交不少廚師食家老友，大家為表支持，特別監製即食鮑魚花膠，有的是罐頭，有的以真空包裝。像李駒師傅和新加坡發記潮州酒家李長豪師傅的私房秘方鮑魚，隻隻溏心鮮味，好味指數爆燈。

李駒花膠伴新同樂鵝掌$198 醉名廚將兩款名菜Mix and Match，以鮮爽的花膠汁配搭腍身的鵝掌，兩位師傅的美食相當合拍，滋味滿分。	花雕醉雞 $94/半隻 醉名廚自家品牌，秘製花雕汁料超濃，令雞肉充滿酒香，而且肉質滑溜，作為餐前小食或主菜都可以。	燒汁乾煏牛肋骨 $118/件 新同樂著名菜式，濃郁醬汁完全滲透於牛肋骨中，入口甘香鬆化，可以在家品嘗米芝蓮食府美食。

小菜以外，店內同時售賣多款高級歐陸雜貨，像印尼麝香貓咖啡、西班牙黑毛豬火腿、意大利Aceto Balsamico Tradizonale果醋、各式肝醬等，不少更是獨家代理，別家難求，難怪吸引不少區外客人特地駕車到來。還有還有，別錯過這裏的芝士蛋糕和的骰甜品杯，由星級大廚製作，口味眾多，甜酸兼備。無論冬至、聖誕節抑或新年，在屋企開餐話咁易。

蝦子柚皮 $98/件 懷舊手工菜，只有高級酒家才有供應；柚皮煮至軟綿卻沒有苦澀味，入口鬆化多汁，滿口蝦子鮮味。

店內環境開揚光猛，歐陸與本地高級雜貨琳瑯滿目，愛吃的人來到一定不會空手而回。

撰文：蘇瑞霖 攝影：陳世昌

地址：九龍城獅子石道24號地下

查詢電話：2382 0768