大坑日式大牌檔 DIY燒海鮮

短短幾年，大坑區變成最潮的美食天堂！一間接一間的新餐廳，難得食店種類沒有「一窩蜂」，天天在此Check In也不覺悶。最近又有新成員加入，叫「浜燒大將」。由魚生飯專門店Doraya的日籍老闆青田大輔所開，今次不以吞拿魚飯做主角，主打日式燒海鮮。燒鮑魚燒活螺燒帶子燒海蜆，憑東瀛「大牌檔」風味成為這區新亮點。
浜燒活帶子 $66/隻<br>鮮甜彈牙的北海道帶子，可選擇原味燒、牛油蒜蓉或醬汁燒。
浜燒活帶子 $66/隻
鮮甜彈牙的北海道帶子，可選擇原味燒、牛油蒜蓉或醬汁燒。

日本大牌檔作藍本

老闆今次不賣吞拿魚，轉攻海鮮，其實源於他的童年情意結：小時候家住海邊，經常都有靚海鮮開餐，大班朋友在海邊即捕海鮮炭燒即食！長大後，下班最愛到東京新橋及上野火車站橋底的簡陋居酒屋，吃吃喝喝，愛其熱鬧氣氛。他有感香港人喜歡幫襯大牌檔，就萌生開日式大牌檔的念頭。當然，他不會擺街邊、搭鐵皮檔，選址新潮食點大坑；店子布置也與眾不同，門前店內掛滿燈泡，透明膠充當店門；魚缸放養榮螺鮑魚大蜆笠貝任你睇，好過癮；一張張夾在天花板的菜單，牆上又有青田的藝術家媽媽手繪海產圖畫，東瀛路邊小店氣氛，地道又Casual。

地址：大坑京街8號地下

蟹肉味噌（連殼） $72<br>松葉蟹殼內有松葉蟹肉、蟹膏、麵豉及鵪鶉蛋，好豐富！燒到出煙拌勻就食得，鹹鹹甜甜，濃郁惹味。
  • 蟹肉味噌（連殼） $72
    松葉蟹殼內有松葉蟹肉、蟹膏、麵豉及鵪鶉蛋，好豐富！燒到出煙拌勻就食得，鹹鹹甜甜，濃郁惹味。
和風煮東風螺（汁煮）$45<br>用清酒味醂醬油煮東風螺，雪1晚才食，爽口又入味。
  • 和風煮東風螺（汁煮）$45
    用清酒味醂醬油煮東風螺，雪1晚才食，爽口又入味。
浜燒活大蜆 $42/隻<br>活大蜆新鮮不過，燒至僅熟，連蜆汁一併入口，滿口海水鮮味。
  • 浜燒活大蜆 $42/隻
    活大蜆新鮮不過，燒至僅熟，連蜆汁一併入口，滿口海水鮮味。

查詢電話：2895 5000

浜燒活榮螺$68/隻（上）、殘酷燒鮑魚$120/隻（下）<br>榮螺爽口鮮甜；3両重的南非活鮑魚，燒時會「典來典去」，好殘忍呢！入口甜香有嚼勁。
  • 浜燒活榮螺$68/隻（上）、殘酷燒鮑魚$120/隻（下）
    榮螺爽口鮮甜；3両重的南非活鮑魚，燒時會「典來典去」，好殘忍呢！入口甜香有嚼勁。
用膠箱製成的椅子，雖然沒靠背，不夠舒服，勝在Casual不拘謹。
  • 用膠箱製成的椅子，雖然沒靠背，不夠舒服，勝在Casual不拘謹。
日籍老闆青田大輔以前專賣魚生飯，今次做浜燒，源自他「那些年」的美味回憶。
  • 日籍老闆青田大輔以前專賣魚生飯，今次做浜燒，源自他「那些年」的美味回憶。

超讚即燒海鮮

師傅仔@大坑京街浜燒大將 15人讚好！

想知有甚麽推介，抬頭望望天花板吧！
  • 想知有甚麽推介，抬頭望望天花板吧！
  • 放大圖片
Discovery Gourmet Hamper $2,000<br>此店獨家貨之一，既有齊3款品牌Crossover的產品，亦有各自的招牌貨，薑餅橄欖油朱古力蜜糖俱備，有口福！
  • Discovery Gourmet Hamper $2,000
    此店獨家貨之一，既有齊3款品牌Crossover的產品，亦有各自的招牌貨，薑餅橄欖油朱古力蜜糖俱備，有口福！
Home Made Foie Gras in Jar $480<br>鴨肝醬由Monsieur CHATTÉ自家廚房炮製，香濃幼滑，跟法包及甜酒是絕配。
  • Home Made Foie Gras in Jar $480
    鴨肝醬由Monsieur CHATTÉ自家廚房炮製，香濃幼滑，跟法包及甜酒是絕配。

PAMPAM：店名幾Cute喎，咩意思？

師傅仔：老闆話「浜燒」係日文，指將剛捕獲的海產在海邊即燒即食。

皮皮：即係食海鮮？有咩食？

師傅仔：貝類居多，有10幾款，大部分都係日本貨，好似北寄貝帶子生蠔榮螺大蜆鮑魚，仲有大蝦蟹蓋魷魚吞拿魚鮫，日日有貨返，勁新鮮。

HALAM：好想食！點樣浜燒法呀？^^

師傅仔：自己將海鮮放在小型燒烤爐DIY囉！唔識燒有店員幫幫手，hehe:D

師傅仔：可以就咁燒，仲可以揀牛油蒜蓉或醬汁，我最Like醬汁，用木魚水、魚汁混合，清清哋幾好。

SS：我勁Like張櫈！

師傅仔：有Taste喎！張櫈係老闆從日本訂返嚟，模仿清酒膠箱，揭開木板可放入隨身物。

PAMPAM：真係好似日本大牌檔！:-D

MAMA：讚！唔怕手袋吸到燒烤味。^^

Pop-up！期間限定法國雜貨

時裝、化妝品牌不時有Pop-up Store，這股熱潮最近吹到飲食界，接連有餐廳食店「彈起」，當中包括法國名牌agns b.！走進ifc mall，你會發現這間agnes b. French Gourmet Pop-up Store，是品牌跟兩家法國食品店—Premiere Pression Provence （PPP）及Monsieur CHATTÉ合作，大賣此店獨有、Crossover推出的特別版產品及禮盒套裝，由即日開到2012年2月1日，要快快去湊熱鬧！

店子外形像個四方形木盒子，掛上不少聖誕裝飾，氣氛濃厚。地方雖小，但木架上放滿法式雜貨，橄欖油蜜糖醬汁餐酒，都算齊全，還在木枱上放點產品，讓大家任揀任試，睇啱再買。獨家精品還有聖誕限定的禮盒套裝，內裏有齊3個品牌的招牌貨，包裝有搶眼紅白藍色調，一推出即大受歡迎！

地址：中環港景街１號國際金融中心商場二期3樓3089~3097店

查詢電話：2805 0088

agnes b. 粉絲注意！

Sman＠中環agns b. French Gourmet Pop-up Store 8人讚好！

YY：嘩！我最鍾意agns b.！呢度淨係賣agns b.的東西嗎？

Sman：有agns b.招牌貨，也有同Premiere Pression Provence 及Monsieur CHATTÉ Crossover的特別版Products。仲有每個品牌的自家揀手貨添！

YY：有咩Crossover特別版產品？

Sman：好似特別混合調製的橄欖油，亦有自製豬肉醬同鵝肝醬，招紙印了品牌名，好靚！3款都係獨家，搶搶搶。

YY：有無得試食？

Sman：舖頭有張木枱，放滿了橄欖油、黑醋，任試。

妹豬：係咪仲有聖誕禮物賣？

Sman：有呀有呀，有3款精選禮盒套裝，好鍾意個紅白藍靚盒，隨時唔捨得送畀人！

米芝蓮食店機場「着陸」

米芝蓮1星食店「阿鴻小吃」，憑其獨門秘製的滷水美食，如醉香鴨舌、滷水鵝片、麻香雞腳筋、南乳粗齋等做到滿堂紅，不少名人明星都是座上客。最近它衝出北角，飛到香港國際機場開分店，方便市民及旅客品嘗。新店地方闊落，坐得舒服，布置典雅又不失摩登，除了有一系列招牌菜外，更有經特別包裝、可帶上機的「飛機滷水鵝」，仲有自家製瓶裝飄香XO醬、巧製辣椒油，即場食抑或買走都得。

地址：香港國際機場2號客運大樓

翔天廊3樓3P116/3P117號

查詢電話：3197 9331

去機場探阿鴻

Pamela＠ 香港國際機場阿鴻小吃 6人讚好！

Pamela：終於食到啦！北角嗰間唔敢去，太多人喇！@_@

妹豬：佢啱啱又攞咗米芝蓮1星喎，梗多人啦！

喂呀：Like呀Like呀。

YY：有無買到飛天滷水鵝呀？哈哈。

Pamela：即場食唔使買啦！菜式同北角店一樣，依家歎緊醉香鴨舌、滷水鵝片、招牌撈麵囉。

SS：你就好啦……ToT

Pamela：買飄香XO醬、巧製辣椒油畀你嘞！

SS：哈，算你啦。^^

撰文：楊淑英

部分攝影：譚建章、林資凱