已有十年歷史的郎田放題，最近由銅鑼灣信和廣場轉移陣地至鵝頸橋旁邊的冠景樓，新店開業個多月已招徠不少熟客繼續支持，可見食物甚有水準！其中特別推介一系列串燒，即叫即燒夠晒惹味，加上沖繩Orion及喜力啤酒任飲，最適合三五知己把酒言歡！
郎田開業初期，並非以放題形式經營，食物需落Order散叫，師傅在日本學藝，並一代傳一代傳至今。所以現在轉型為放題後，食物質素仍然維持一貫水準，難怪獲得不少熟客長期捧場。最近店舖移至新址繼續營業，環境變得更加舒適、更有日本風味，而且設有壽司吧枱，顧客可以近距離欣賞師傅製作手握壽司等，實為放題食肆中少見，亦凸顯郎田對食物質素的信心。
放題食物種類繁多，包括刺身、壽司、和食等，而串燒則屬必食推介，其中羊扒、牛脷不可不試，肉汁多而且香口；虎蝦串燒亦是一絕，啖啖肉加上海鹽調味，嗜海鮮者不容錯過，蔬菜類如粟米、脆肉瓜、冬菇等，食得清新。其他食物同樣有水準，吉列生蠔、燒鯖魚都是惹味之選，最新秋冬登場的風味汁煮海螺、時令炒蟶子和迷你吉列海鮮餅令人食過翻尋味！
銅鑼灣店：堅拿道西10號冠景樓2樓
電 話：2591 6098、2591 0878
旺角店：登打士街32號歐美廣場1樓全層
電 話：2384 8060、2384 8070
資料：客戶提供