男人天生喜歡獵物，新一代男人更甚，但是，要一擊即中，便先要打造保護自己的黃金甲，而打造無敵戰衣，更必先有美男日誌。夠膽與我步入最新的JOYCE GROOMING男士護理大本營，一齊發掘及寫下美男日記嘛……勇男們，有請！
廣發英雄帖的男士美容概念店，於較早前開幕接受美男親身挑戰。品牌為隆重其事，打造全新格局，讓各位可以一小步一大發現。
踏步店內，眼前一亮的是優雅及寬敞的設計空間；闊步而行，四周是分門別類、排列整齊的貨品；細步而走，便會發掘來自世界各地的高級男士護理產品，例如ReVive、Omorovicza、Aesop、CREED、FUNCTIONALAB等等；再踱步留意，更會發覺原來新店網羅不同種類的男士護理產品，包括護膚、護髮、剃鬚、面部修飾、營養補充及香水等。
感想： 與男人有關的、各地品牌的、由頭至腳的都應有盡有，照顧周到。
獵人獵物都會有自己的路線圖，何況是精明的美男？如果覺眼花繚亂，可以走捷徑重點出擊。走天然路線的男士，可主攻東瀛支線日本的kyoku，男士系列包括潔面乳、補濕霜、剃鬚膏及唇部補濕霜等，採用新護膚技術，結合高效天然成分，如人參、綠茶葉、竹樹、洋甘菊等，既適用於皮膚敏感，又能令肌膚清爽舒適。
想走出捱夜皮膚無光澤又易出粒粒找新出路的，不妨將視野定格於抗衰老專家Dr. Nicholas Perricone創立的美國品牌Perricone MD，產品以多項突破性的專利成分製成，有效抑制細胞炎症，令受損部位出現逆轉，從而減輕皮膚粉刺、失去彈力、皺紋及衰老等問題。
感想： 發現讓男人肌膚重生，重拾信心的新泉源！
沿途行着行着，會愈行愈明白新一代男士對儀容護理的重視，且慢，豈止如此！現代男人不止講究基本肌膚護理，還轉而追求面上妝容之美及家居香氣，所以，男士們都應試試拐一個彎，尋找另一最新最潮的獵物。
走在潮流尖端的，應該聽過備受名人紅星歡迎的化妝權威laura mercier，亦應該會開心發現這裏有其王牌產品，如眉型修飾筆、面部調色霜及遮瑕膏等，讓男士們可以輕易修飾面容。另外，還有家居香薰EDITIONS DE PARFUMS FRÉDÉRIC MALLE，曾推出的香水噴槍原只供應酒店使用，現新推為家居香薰，味道獨特優雅，還有還有，以時尚實用、環保新奇見稱的Izola三合一肥皂組合、法國名貴家居香薰Quintessence……
感想：充分展現新美男主義！
要親征男士護理大本營，需要一定的腳骨力，因為這裏是一條龍式概念店，足足可以令你行上大半天，但當驚現這兒還提供男士修甲及修眉服務，及大量專業療程的時候，便會明白時間體力絕非虛耗！
這裏護理療程多不勝數，例如抗衰老Rejuvenaing Facial、排毒Rebalancing Facial、補濕Revitalising Facial等，能徹底解決肌膚乾旱及疲倦等問題，並紓緩工作壓力等，令男士們輕輕鬆鬆快速達標變美男！
感想： 新一代幸福男人美容Collection喔！
Yan @ 灣仔聖佛蘭士街 COCKTAIL
Moe：早兩日都去過，不過無收穫@@
Yan：Y ar？有新貨喎！
Moe：？？
Yan： 英國牌子People Tree，民族衫+飾物，仲係人手編織 & 刺繡添:)好靚！！
Shirman：堅定流？
Yan： 呃你做咩，Sales姐姐話人手織比機織用多9倍時間整，一件刺繡衫要整成36個鐘，乜手工都返晒嚟。
Moe：幾$？
Yan：扣針、散子包Around $200，衫就千幾二千。
Shirman：對你濕濕碎啦……
Yan：Ha Ha...I Love民族Feel：）
Yan：忍唔住買咗條圍巾同刺繡衫^.^
Shirman：做可愛少數民族？哈哈:p
Moe：襯毛毛Boots仲似！
Yan：而家涼涼哋啱晒^.^
Yan：獨家賣咋:)
Moe：好！再去多次先！
Yan：下次一齊去吖^^
Moe：^0^
Ki @ 中環IFC diptyque
Toa：IFC...上等人！
Lam：法國家品，亞洲第一間專門店。
Toa：真識貨，搬屋？
Ki： Re Lam：開咗半個月，行咗一Round。Re Toa：No La，唔似你搬大屋咁開心~
Jason：行過，細細哋，但都幾舒服~
Ki：可以畀你偷師做Design Project~
Jason：偷晒啦！呵！
Jason： Olivier Lempereur Design、白天花板、深色鑲木地板、簡約自然、和諧Family Feel，「給你一個家嘅感覺」。
Toa： 幫我瞄瞄有無正嘢（當新居入伙禮物畀我，呵呵）
Lam：香氛蠟燭！！香爆！
Toa：讚！入伙禮物入伙禮物入伙禮物！！！
Ki： Re Lam： Yup！勁Like陣味~Re Toa： 聖誕版香薰蠟燭OK嗎？玻璃樽紅綠同聖誕球圖案，So Beautiful Lei！襯你！
Toa： Of Course，但新屋超亂，唔敢點蠟燭住，我會將佢變做新年禮物，Thx！！
Lam：有唔使點蠟燭嘅家居香氛。
Toa：香氣屋。
Ki： Re Lam：Yup，好方便。Toa：OK，入伙禮物就令你屋企變香氣屋啦~
有猿人 @ 長洲
有猿人：搵猿人足迹
過路人：你已經係
有猿人：No！
有猿人：偶像Nigo San！
我係神： 嚟香港同Homma San交叉A BATHING APE × MASTERMIND宣傳，一早知。
有猿人：No，佢宣傳完自己去長洲玩！
我係神： 我都知，個個圍住個碼頭，遊艇泊埋時啲人見到佢同我有得Fight咁Smart，即刻起晒哄！
無緣人：可能諗住入長洲同阿婆Crossover曬鹹魚！
我係神：隨時出埋聯名蝦醬一Set過！
有猿人： 可能係觀光搵靈感，或者下季就會見到A BATHING APE or HUMAN MADE會用長洲做主題！
無緣人：印個長洲平安包喺Tee度。
過路人：有無買手信？
我係神：我知，買咗地道特產阿婆穿嘅膠珠公仔。
我係神：下季一定興彩色膠珠。
無緣人：興咗之後仲可以拎去炒，哇咔咔
有猿人：神，你點知？
我係神： 因為我係神，仲係有玩微博嘅神，佢喺微博有Post相，乜你兩個無關注Nigo San咩？
撰文：明藹寧、郭可儀、黃佩琪、賴文曦
查詢電話：（a）2522 2886、（b）2528 1488、 （c）2521 6799