Kapok X BEAMS 留港「法」掘　限量「日」牌

若數最早紮根於灣仔日月星街的小店，必提法國人Arnault主理的Kapok，主攻世界各地潮貨，更設有小型Café兼賣法國著名咖啡及小點，讓潮人可以扮吓法國人Hea足一日。潮店今回又有新驚喜，再度與日牌BEAMS合作，專程把一系列限量型袋及獨特和風服飾帶到香港，粉絲大可以慳番張機票直接留港掃貨！

藍色側孭袋 $2,100

B JIRUSHI YOSHIDA 空運直抵！

B JIRUSHI YOSHIDA限量袋款是日本兩大陣營BEAMS與PORTER的合作版，簡稱B印YOSHIDA。以往粉絲想入貨必須飛往日本，但依家唔使畀機票錢都可以空運直「抵」到手。多得Arnault出手，同BEAMS傾掂數將大批手挽Tote Bag、郵差款側孭袋、背囊及銀包引入限量發放，款式尚算齊全，粉絲不容有失！