幾位熟女朋友去看《喜愛夜蒲》，一如所料連聲鬧爆，唉，瞄瞄卡士，就知道是拍給誰看，以她們的年紀、學歷、人生經驗，都明知自己「超齡」兼「超智」，還要一頭栽進戲院，唔抵可憐。
電影中最令她們介懷的一點，是：「電影描寫到女人去到蘭桂坊，畀男人逗兩逗就肯上床，有冇搞錯！」堅守婦道的乖女，怎能明白「門戶開放」的烈女？說到底，過着Decent Life的，是難看到性慾真相……
B君愛蒲，經常接觸夜遊人，說：「外人以為到蘭桂坊尋歡作樂嘅女人，一定成副潘金蓮咁樣，其實好多係打扮斯文端莊嘅OL，未婚又有已婚又有，逢星期五、六專搵外國人上床，話佢哋好玩啲浪漫啲喎。」
E君也愛蒲，因生意應酬而盡享燈紅酒綠，說：「九龍區有間夜場，叫做×××，接客嘅女唔係國產北姑，而係逢周末做兼職嘅港產OL，佢哋有禮儀有學識，而且對答如流，氹到內地同胞同班外國人好開心，收費比北姑高得多。」
當中的奧妙，是表面斯文實質Open，端莊穩重的保護色，令平常人直行直過，遇上適當對象、適當地點、適當「商機」，才把另一個我顯露出來。我跟熟女朋友一樣不喜歡《喜愛夜蒲》，並非電影拍到女人很淫蕩，而是描畫得太膚淺——風塵味重的年輕女生到蘭桂坊想幹甚麼，唔使拍都知；密實姑娘的Double Life，才具戲劇性。