一年一度的渣打馬拉松又迫近，身邊不少朋友已加緊練習。無論跑10公里、半馬或全馬，當然要Keep住練習，甚至搵幫手記錄進度，調整練跑大計！而功能多多的iPhone便可隨時變成跑步良伴，以語音提示、GPS記錄路線、監察心跳等，助各位跑出好成績，大家不妨留意吓邊個啱用。
一邊跑步一邊開住iPhone檢查跑咗幾遠，有時真係幾煩。新App為解決這問題，利用GPS記錄跑速、距離等資料外，最特別是它具備發聲提示功能，跑了多遠及消耗了多少熱量等，全部會經耳機講畀你聽，十足十有個運動助理伴身旁，還同時支援播歌。
售價：3.99美元（折約港幣$31.1）
這個App除了備有一般記錄跑步路線、距離等數據外，仲支援Game Center排行榜！各位跑步的紀錄，可透過網絡與世界各地跑手比併，而你還能在跑步過程得到獎勵積分，練習時便可累積經驗值「升呢」，從中獲得的獎章和金幣，比齋跑步更有滿足感。
售價：0.99美元（折約港幣$7.7）
練跑要循序漸進，開始時梗係要畀自己Warm Up吓。這App特別之處在於按「Start」後，會先有熱身時間倒數，之後才開始正式計算。跑緊步時仲可開啟iPod功能播歌，而跑完後則可於History睇番跑步路線、消耗卡路里、每公里速度等，非常詳細。
售價：5.99美元（折約港幣$46.7）
跑步時心跳太劇烈隨時出意外，這App引入Medical Pulse Oximeters概念，可幫各位監察心跳情況。程式會打開iPhone 4閃光燈，提示用家將手指放到鏡頭上，聽到「嗶嗶聲」後放開，便能檢測心跳率，還可提供心率曲線圖，可信性當然要自行判斷啦。
售價：0.99美元（折約港幣$7.7）
練跑要持之以恒，但如果真係抽唔到時間跑，不妨試玩這個勁難玩的跑步Game，彌補一下罪疚感。玩家要利用兩套虛擬按鍵控制跑手左右腳擺動，並使用G-sensor調整重心，如果咁多嘢都配合到便可踏出「第一步」。想跑畢全程，便要多加練習啦！
售價：0.99美元（折約港幣$7.7）
撰文：李潤康