多得文哥，廢除封建，中國從此有運行！邊位文哥咁有Power？國父孫文是也。十月十日正是辛亥革命100周年，各媒體的慶祝活動傾巢而出，正正經經逛國父紀念館可能令人提不起勁；但有潮男組合齊齊「文哥起舞」，又是另一回事。隨着辛亥百周年冒起的台灣男子組合「中山路100號」，四子潮着中山裝，Rap住歌撐文哥，將這股百年不死的革命力量，延續下去！
中山路100號打正旗號撐文哥，四子時常穿上格式不一的中山裝示眾，無領、吊袖等不正規中山裝都出齊。孫中山有份參與設計的中山裝，靈感來源有多個說法，包括參考當年的日本校服、南洋華僑企領服及軍服。由於中山裝端莊務實，又富中國色彩，深得中國領導人喜愛，如毛澤東及周恩來都愛穿中山裝出席重要場合。
近年則備受藝人追捧，謝霆鋒出晒名撐中山裝；內地名導張藝謀第一次出席奧斯卡頒獎禮，也穿中山裝出席。據聞MJ生前遊中國路經中山時，也特意買套中山裝紀念！要潮撐中山裝，也需留意正式規格，否則「政治不正確」。例如五粒鈕扣代表「五權憲法」、四個口袋代表「國之四維」；最重要的是後幅布匹一定要完整無縫，因為它代表中國統一，國土完整，估唔到每個細節都有咁重要嘅政治含意。
在著名傳媒人林超榮眼中，孫中山是令人「埋身即死」的「萬人迷」。對於國父未能在香港潮化，他覺得只是時間問題：「毛澤東都潮到啦，只係大家未搵到個Point。」他也有留意台灣的中山路100號，認為當年的革命精神值得推崇：「孫中山叻仔又靚仔，搵兩餐冇難度；他選擇開天闢地，行別人未行過的路搞革命，簡直係藝術界的畢加索，年輕人值得學習。」國父的風流軼事，素來甚少人提及，林超榮表示國父的情史好易搵，只不過香港人對歷史冷感：「搞親革命都係浪漫主義者，女人都會好崇拜；加上孫中山曾流亡多國，邊搞革命邊風流，有乜出奇？」
《The Soong Dynasty》Sterling Seagrave
《三十三年之夢》宮崎滔天著
撰文：彭欣欣