H-File潮人午夜出動！

密碼：P for P-A-R-T-Y，H for H-E-A-L-T-H-Y。

潮解：以往潮人的夜生活是去夜店卡拉OK開糜爛Party，近年潮人依然喜愛夜蒲，但由高呼P for Party改為高舉H for Healthy。齊齊以潮裝午夜出「動」追捧潮玩兩大熱爆夜間運「動」，為何有此新浪「潮」夜舉「動」？一於動起來解碼！

Jason，踩單車年資兩年，之前踩小輪車，轉玩Road Bike約一年。	Andy，踩單車年資兩年，初時玩20吋摺車，因為想提升速度而換700cm直徑Road Bike。	Kenneth ，踩單車年資兩年，之前玩摺車，踩Road Bike約一年。

行動代號：Midnight Road Bike Rider
時間：凌晨12點踩場

大家應該曾在夜晚繁忙的街道或公路上，甚至港鐵或巴士中，見過不少人着到岩士唐般踩單車或型到好似賣廣告咁抬住架單車出現。單車運動近幾年大受中外潮人明星追捧，除摺車、BMX小輪車之外，Road Bike公路單車更是潮人首選。他們都會以一身Full Gear專業單車Look出「動」，於午夜時分聯群結隊「踩」場！

Jerry，踩單車年資約兩至三年，最初玩小輪車，半年前開始踩Road Bike。	每人大概花費一萬至兩萬多元玩Road Bike，另外，他們補充夜晚踩單車的裝備需符合法例規定，前面白燈後面加紅燈。	踩場揭秘！ 頭盔及風鏡 頭盔確保頭部安全，不同顏色的風鏡有不同作用，日間戴水銀或黑色鏡可阻擋紫外線，夜晚戴黃色鏡有增光作用。

廿多位單車愛好者，於半年前組織單車群組「Mid-night Rider」，選擇Midnight是鑑於大部分人因工作或家庭原因，大多只可於午夜12時才集合出動。群組包括不同類型的單車迷，如Road Bike、小輪車、Mountain Bike，而Jason、Andy、Kenneth同Jerry近一年就特別迷上Road Bike，成為午夜出動常客。

手套 設有Gel保護墊，有避震作用之外，遇上意外手部觸地時可減輕損傷。	咪錶 紀錄速度、距離及累計里數。	尾袋 放在座位下，擺放隨身物及小工具。

路線：安全走勻各區

單車群組的「行動」路線走勻港九新界。其中一位說：「只要有兩個人或以上就會成行出動，通常會取中間點在南昌集合，行動路線不定，可以是向北上，即貨櫃碼頭、深井、三聖，又或是南行至九龍城、油塘到將軍澳。有時會有特別通宵踩天光活動，坐尾班車過海由筲箕灣開始環島遊，路程約45公里。」

Ricco推薦的夜跑地點包括港島區寶雲道、南灣至深水灣、新界城門河。	跑時切忌縮膊。	上身放鬆雙手自然擺動，用Core力Hold住上身，保持正中向前。

雖然是「夜蒲潮友」，但他們強調是安全Hea團，這亦是午夜出動的另一原因，另一組員續說：「其實夜晚踩Road Bike有好大好處，因為主要嘅路線都係市區，夜晚路上嘅車會少好多，比日間安全。另外，日頭天氣會較熱，夜晚踩冇咁辛苦。加上我哋係Hea團，會踩吓停吓傾吓偈，甚至會四圍食吓消夜，真係幾休閒幾開心！」

落地不應用前掌或後腳踭，而是用中平掌。	跑出裝備！ NIKE Free Run+2 Shield $839	NIKE拉鏈上衣 $379

結論：做健康發燒友

四子自言玩Road Bike比踩摺車同小輪車需要更高技術，他們說：「Road Bike車身輕好多，一大風就好容易『冧低』，踩時嘅姿勢同操控亦好唔同，因為Road Bike係『公路鈀』，轉波同煞車系統係共用，一唔小心拉到前面挈鉗，尾轆同個人就會隨時拋起，所以要更高嘅技巧。」

NIKE女裝Leggings $399	NIKE短褲 $239	Ricco表示現時不少夜跑服飾加入螢光細節，如他身上的NIKE Vapor Flash外套更採用聚酯斜紋分層面料，在黑暗中的發光強度達400燭光，絕對「螢」到爆！

夜蒲一般予人壞印象，但這班發燒友其實正面得多，因為Road Bike是有益身心的運動，所以他們不僅大力支持，還不忘呼籲大家注意安全。「Road Bike除咗適合專業人士之外，都好啱一家大細玩，亦可以令更多人注重健康，更可以對單車運動發展有幫助。不過，由於香港冇乜地方可以踩單車，初學者最好先喺公園用普通單車練好基本功，之後先喺馬路踩，再試Road Bike就比較安全。」

行動代號：Night Running
主腦：名人明星力撐

近期微博有不少DJ、歌星同名人不約而同上載夜跑相片，而且全部都着到又型又潮，驟看以為是運動騷。其實，近年日本及本地潮流雜誌均力谷潮玩Night Running夜跑活動，令潮流達人紛紛以一身型格裝夜跑，連前香港三項鐵人代表隊成員Ricco Chan陳以高，都加入至潮運動行列，齊齊夜間出動做運動！

武器：以有螢變最型

跑步就跑步，點解夜跑要着鮮色螢光Leggings又潮又型咁去跑？原來背後有玄機，Ricco說：「夜跑最忌着黑色，最好揀白色同鮮色衫。其實依家好多運動品牌如NIKE都有推出特別為夜跑而設的服飾，在細節位加有螢光條。而專為運動而設計的Leggings型之外仲有壓力作用，可以紮緊肌肉令肌肉冇咁快漲，咁就冇咁快覺得攰。」

另外，跑步最重要的當然是鞋，Ricco平時就鍾意着厚底波鞋，他說：「因為香港街道九成路都係石屎路，着Lunarglide的厚底同避震跑鞋比較舒適。如果跑較長里數，就要揀Protection好的鞋。如果想輕鬆跑短途又想鍛煉小肌肉，可以揀Ree Run。」

目標：身心清涼快感

Ricco Chan一直是夜跑愛好者，究其原因，他表示因工作忙碌，加上夜跑可以令身心康泰，所以被夜跑運動吸引。

Ricco說：「由於好多人早上要返工，好難晨早六點起身跑步，而Lunch Time天氣太熱，仲要帶運動衫，又麻煩又辛苦，所以好多人都愛夜跑。其實，夜晚天氣較清涼，所以跑步時會更舒服，我跑過幾次之後，發現夜晚黑麻麻，視野較細，望唔到距離同終點，只見到燈光，時間過得更快，呢種清涼感同速度感令成個人身心都好舒服。」

跑出錦囊！

別以為跑步要大步跑大力Chok就得，其實長跑除咗要跑得快亦要識慳力。Ricco就為大家提供跑出錦囊：

跑時切忌縮膊。

上身放鬆雙手自然擺動，用Core力Hold住上身，保持正中向前。

落地不應用前掌或後腳踭，而是用中平掌。

踩場揭秘！

頭盔及風鏡

頭盔確保頭部安全，不同顏色的風鏡有不同作用，日間戴水銀或黑色鏡可阻擋紫外線，夜晚戴黃色鏡有增光作用。

手套

設有Gel保護墊，有避震作用之外，遇上意外手部觸地時可減輕損傷。

咪錶

紀錄速度、距離及累計里數。

尾袋

放在座位下，擺放隨身物及小工具。

新舊Night & Like檔案 夜光小旋風

夜光風箏是近年另一新潮午夜活動，集結於沙田及大埔一帶，更曾一度令人誤會是UFO出現。夜光風箏又稱電光風箏，是將發光LED、發聲器和電路等安裝於風箏上，製成可以置入電池及備有開關擊的電路風箏。夜光風箏在夜空中會展現七彩夜光及圖案，非常漂亮奪目，所以出現後旋即掀起午夜活動小旋風。

經典夜生活

釣墨魚

由於墨魚有向光性，入夜後只要有燈光便可引牠們出現，所以吸引不少人夜晚出動釣墨魚。

通宵K

大約二至三百元便可消遣至清晨，又可聯誼歡聚或高歌發洩，是不少人曾經沉迷的夜生活。

跳舞

中環蘭桂坊是首選熱點，如果好彩更有機會見到明星名人，難怪成為潮人夜生活熱選！

子夜場

不少戲院都會於周末加開1:30am子夜場，尖東更有戲院加推3:30am深夜場及5:30am超級深夜場，夜貓們的至愛！

撰文：朱寶茵　部分攝影：謝孝祥、陳富權