親親南瓜精
不知是否人氣過剩累事，踏入10月，一向平平無奇的南瓜，竟然化身精靈四圍走，難道Halloween的黑色力量真係咁神奇？
事發地點是旺角新世紀廣場，一班頂着南瓜頭的小精靈，膽敢於人來人往的商場搞派對，可愛得連邪惡蝙蝠亦睇唔過眼，決定飛撲入場做廠長，誓要整蠱這班得意忘形的小精靈……究竟劇情會如何發展下去？
南瓜扮Cute
想知道一眾南瓜精的下場？走入新世紀廣場自然有答案！場內正舉行「機械Pumpkin之哈囉黑暗世紀」活動，大家除了可以零距離接觸6隻3呎高南瓜精，感受其可愛一面，同場更有一座由邪惡蝙蝠打造的機械工廠。據聞，工廠是要用來對付南瓜精，雖然那些被改造的南瓜精不是賣相嚇人就是甩皮甩骨，但又跟Halloween的搞鬼氣氛異常匹配，似乎這場正邪大戰不論誰勝誰負，大家的相機都可以拍個不停！
Maysum畫鬼
此外，大家可順道參觀由Maysum主理的作品展「鬼才愛鬼臉」，當中展出十多幅以「畫鬼臉」為主題的手稿，還有一系列「鬼咁靚」的雕塑作品呢！
有「獎」提示
由即日起至10月16日，於商場消費滿$800或以上，可換取新世紀廣場× Maysum Super Bybie 2012年座枱月曆乙份；消費滿$1,500或以上，則可換領哈囉南瓜4GB USB乙份。緊接推出的精品，是「哈囉南瓜揚聲器」，換領期由10月17日至10月31日，只須消費$800或以上，即可換領乙個。
機械Pumpkin之哈囉黑暗世紀
展 期：即日至10月31日
查詢電話：2397 0790
撰文：司徒德琳 部分攝影：郭凱敏
模特兒：Sawyer、Stephanie（Gaiety）