欖球世界盃（Rugby World Cup 2011）正於新西蘭舉行，作為主辦國兼強隊之一的All Blacks表現搶鏡，執筆之時暫列Pool A榜首，大有機會進身半準決賽；而8強之後全屬淘汰賽，每場都不容錯過。想直擊欖球大戰唔使飛去新西蘭咁遠，只要用iPhone一篤，比賽實況即時更新，等開波時仲可以玩吓遊戲，欖球迷必備。
粉絲們近期一定心癢想打吓欖球，奈何香港人體形普遍唔夠大隻，咁不如試玩這欖球遊戲App！畫面採用3D設計之餘，還可組織戰術，控制球員傳球走位，仲可以衝刺達陣或踢球得分，考驗各位的判斷與技術。
《The Official All Blacks App Lite》 力撐主辦國
作為新西蘭國家隊，All Blacks當然想趁住天時地利贏取冠軍，這App就幫你全程直擊愛隊動向，當中更會24小時更新隊伍消息，例如出賽陣容、比賽結果、球員資料等，最特別是All Blacks比賽前必跳的Haka戰舞都有得睇，各位在開戰前都可跟住佢哋跳！
《Official Rugby Football Union App》球迷快訊
欖球可算是繼足球後，最受英國人歡迎的運動，來到4年一度的欖球世界盃，當然要力捧愛隊。單睇玫瑰Logo已知道是英格蘭欖球隊的官方App，它除了能實時以文字直播賽事，更提供陣容和數據等資料，非常詳盡。Fans Zone還可網上訂票，去英國旅行時不妨順道睇吓有冇賽事！
《Official Rugby World Cup 2011 App》官方重溫
欖球世界盃為期個多月，想緊貼每場賽事，最好是下載《Official Rugby World Cup 2011 App》。賽事資料由官方Match Centre接收後，會加入現場旁述、統計及每日精華影片，最近更上載了1999年法國對新西蘭的經典賽事，就算行街搭車都可以隨時重溫，方便到暈！
《Flick Kick Rugby Kickoff》練習踢球
除了達陣之外，欖球最常見的得分方法是踢球，但要將欖球成功踢進H柱都唔易。這App是專為練習踢球而設的遊戲，玩家要計算好角度、力度和風向等狀況，難度頗高。遊戲另備有Sudden Death、Time Attack等模式，最啱等開波時玩兩鋪。
撰文：林子聰