龍殿兒從有到模不屑做o靚

現年才19歲的龍殿兒（Mara），擁有一半奧地利血統，卻能操得一口流利廣東話，舉止活潑，直是個可人兒。Mara還擁有一顆善心，早前跟攝影師戴妮廷合作搞慈善，推出義賣T-shirt，幫助有需要的小朋友。Mara說她從小就當義工，一顆善心是感染自信奉佛教的父母：「我受爸爸媽咪影響，細細個已經跟佢哋去做慈善幫人，又去過好多醫院同孤兒院做探訪。我覺得自己好幸福，既然有能力，應該去幫人。」

受父母感染的除了行善，還有酒量，她笑說：「爸爸媽咪做飲食行業，細個成日跟佢哋去應酬，練膽同練酒量，所以我酒量都OK o架，而且個人會較同年紀嘅女仔淡定成熟啲，所以我嘅好朋友都唔係同年紀。」

龍殿兒與爸爸Christian Rhomberg感情要好。	龍殿兒與弟弟齊為戴妮廷慈善攝影展出力。	小時候的龍殿兒已是個美人胚子。

趁後生乜都試

作為名人二代的Mara，選擇投身模特兒行列，為的當然不是錢，她說：「我想攞吓經驗，同埋想趁自己仲後生乜都試吓，我知道做model唔容易，瘦過我嘅人有好多，我對自己都冇乜自信，都希望藉此鍛煉吓自己。」當model要性感，尤其現今的所謂model，那Mara的性感底線是多少？她說：「雖然我喺外國長大比較開放，但底線都只限於泳衣，最好出面有外套添！」

龍殿兒與戴妮廷（右）合作推出慈善T-shirt。	龍殿兒的model comp card造型多變，不遜於專業模特兒。	龍殿兒有樣貌、身材高挑，最重要是擁有一顆善心。

拒出人形攬枕

談到時下o靚模均好騷胸賣肉？她有點不屑地說：「依家確實有啲model對性感濫咗，我覺得性感唔係賣肉，太賣弄就會有反效果，任何事都唔應該過火，我雖然唔係全職做model，但我都會堅守自己嘅底線，其實每個人都應該要，起碼我就一定唔會出啲印咗自己樣嘅人形攬枕囉！」

龍殿兒（右）最愛戶外活動，細細個已學習騎術。	熱愛運動的龍殿兒，水上活動當然難不到她。	外形標致的龍殿兒，坦言仍單身。

當model外表身形是賣點，那Mara對自己外形滿意嗎？她害羞地說：「我覺得自己膊頭唔夠橫，有啲衫未必着得靚！其實平日我好casual，妝都唔化，短褲拖鞋就出街，不過我就好鍾意做運動，做運動可以釋放正能量，個人睇落都健康啲同靚啲！」

學瑜伽兼當義工

Mara熱愛運動，最愛高溫瑜伽，一星期上三至四堂，她說：「高溫瑜伽可以排好多汗，有助減肥，最重要係玩瑜伽令內心平靜，淨化思維。」Mara將於十月遠赴峇里島兩個月，在當地上正式瑜伽堂，並順道兼做義工，一舉兩得。

成名代價

十九歲的Mara擁有青春、樣貌及高挑身材，追求者當然不少，感情生活應該十分精彩，不過現在單身的她就稍為慨嘆成名的代價，她說：「我知道入咗呢行私生活就要公開，如果我有拍拖，我唔介意公開，但自己就會檢點啲，出街最多都係拖吓手，始終香港到處都係狗仔隊。」

後記：由生硬到健談

與龍殿兒首次拍照做訪問，起初她表現得有點生硬，甫士也欠奉，熱身後就截然不同，也變得健談，掛在口邊的大部分是分享行善的點滴，少了一份時下年輕人的自我放大和宣傳。助人為快樂之本，相信在Mara心目中，心靈的滿足遠多於鏡頭下帶來的快慰！

採訪：Ada Lam

攝影：沈建程

化妝：Karen Yin.com

服裝：Escada @ Escada Sport