筍！免費食原隻鮑魚
通脹厲害，身家嚴重縮水，$1究竟可以做啲咩？買鮑魚、海蝦、燕窩、台灣腸及海參得唔得？得！原來喺Food Expo，$1可以咁見使，超爽！以為已經夠筍？仲未算，有名牌海味店出手闊綽，預備溏心鮑魚免費請你食，爽滑煙韌，仲唔快快排隊！
撰文：楊淑英 部分攝影：梁偉德、陳富權
$1矜貴燕窩海參
$1筍貨年年有，雖非新奇事，但今年通脹猛於虎，優惠更見珍貴。睇勻全場，梗係唔使錢最抵，安記海味就於今日免費派1,000隻即食溏心鮑魚，畀大家慢慢歎；至於恒興行，亦有試食價$1南非鮑魚，每日限量100隻。想要養顏滋補，去位元堂用$1就可買到紅棗燕窩飲品，又或是鮑汁花菇燴海參，即飲或加料都得！
安記海味請食鮑魚
無懼通脹，安記老闆潘權輝繼續派免費鮑魚，首日將派發
1,000隻，溏心又入味，值得排隊食！
攤位編號：1B-B14
$1必入筍貨
SEA PRAISE海捕蝦
（每日限量100盒，售完即止）
印尼白蝦肉質細嫩，好多餐廳都採用，想在家炮製好菜，必掃！
攤位編號：3F-F01
位元堂紅棗燕窩
（每日限量50份，售完即止）
想滋補養顏，當然係食燕窩！加入紅棗更有補血功效，女士們掃貨啦！
攤位編號：3G-A10
位元堂鮑汁花菇燴海參
（每日限量50份，售完即止）
海參、花菇爽滑，用鮑汁炆煮，特別惹味，零味精食得健康，加料一流！
攤位編號：3G-A10
抵食推介
J's Gourmet即用湯包
$100/3包
由德國米芝蓮三星廚主理的靚湯，一套有齊黑松露菌甜薯湯、牛肝菌忌廉湯、烤番茄湯，易煮好飲，抵買！
攤位編號：1B-E12
即食爽口海蜇絲 $9/包
安記海味出品，內附調味包及麻油，撈勻即食，做小食最好！
攤位編號：1B-B14
晚市「着數」特區
去年首度登場，反應熱烈，今年繼續益市民！特區設於展覽廳3G，由即日至8月14日，晚上7至10時開放，有近60位展商參加，貨品全部最少半價，可謂超級優惠。除美食外，更有廚具、刀具發售，有心掃貨必到。
新台場厚毅杯裝果凍 $10/杯
以新鮮水果和牛奶炮製，加入珍珠更美味，夏天食最消暑！
攤位編號：3G-G31
官燕棧極品參蜜官燕 $50/兩樽
燕窩養顏滋補，加入參蜜更潤，全家都啱食！
攤位編號：3G-G36