叮出各國滋味
「叮叮」食品，現在已成為速食的代名詞。一個人開餐，又或工作至深宵，總想有點東西落肚，幾分鐘即煮即食，又或放進微波爐一叮即食的便餐最啱使。美食博覽就有不少即食食品登場，當中包攬意、日、韓、泰等各國美食，簡便與美味並重，部分更是首次亮相，又或比坊間抵買，一於買晒返屋企，塞滿冰箱！
撰文：陳恩怡 攝影：陳富權、郭凱敏、梁偉德
選擇多籮籮
以前的速食，不離杯麵點心雞髀，現在選擇多了；游走美食博覽，發現各國美食都有即食之選：泰國代表有杧果糯米飯和青咖喱飯；意國代表則有咖喱意粉；韓式就有薄餅煎餃子；日本呢？有北海道蛋撻、豚肉QQ堡。要吃得健康，又有即叮糙米飯和黑米飯；連班戟、蛋糕都可從雪櫃拿出來即食！小吃主菜飯麵甜品一網打盡！口味亦大躍進，用料足，味道好，水準拍得住餐廳。放進微波爐叮一叮，又或將包裝袋放進煲內煮，甚或一拆即食，乾手淨腳，毋須勞師動眾，幾分鐘就可味遊世界，簡、便、捷！
薄餅煎餃
CJ韓國餃子新產品，把薄餅的餡料放進餃子內，好過癮；當中佔兩成是芝士，輕煎幾分鐘已香噴噴，足料滋味。
會場價：$60/4包 攤位編號：1B-B10
叮一族黑椒牛扒味意粉
壽桃牌意粉，只要加水叮1分鐘就食得，口感煙韌，味道濃郁，快過杯麵！
會場價：$70/12盒 攤位編號：1B-E02
北海道香蕉朱古力班戟卷
煙韌的班戟皮包着北海道牛奶香蕉朱古力餡，配搭好Match，味道香甜，作為下午茶或飯後甜點最啱！
會場價：$50/4件 攤位編號：1C-D14
泰式榴槤椰汁糯米飯
泰國的榴槤好出名，Buono出品的榴槤糯米飯，以傳統杧果糯米飯作藍本，以香醇味道的榴槤炮製，叮2至3分鐘，香氣撲鼻。
會場價：$140/5盒 攤位編號：IE-B19
豚肉QQ堡
日鮮的QQ堡有雞肉及豚肉兩款，簡單煎熟，口感有點像章魚丸，富有肉香，一咬爆汁。
會場價：$10/個
攤位編號：IC-A27