至抵海鮮攻略
每年一到會場，即刻向「心水目標」進發！朋友先攻尊貴美食，我的頭號目標是海鮮！蝦、蟹、鮑魚、生蠔等式式俱備，今年仲有2千克特大油甘魚，價錢比市面平一截！一於大舉掃貨，回家大擦海鮮餐！
撰文：黃夏霖 攝影：郭凱敏、陳富權
全城最抵！鮑魚海鮮套裝
觀乎今年的攤檔，雖然一蚊雞海鮮不多，各參展商亦各出奇謀，務求令大家排住隊買笑住走！當中有參展商半賣半送，推出$294海鮮套餐，內有1條重2千克的特大油甘魚、彈牙的阿根廷野生赤蝦、超甜丹麥野生甜蝦，還有肥大肉厚新西蘭藍殼鮑魚。套餐更加送總值$196的鮑魚昆布，實在令人難以抗拒。此外，即食刺身也極注目，北海道巨型帶子、加大碼阿拉斯加皇帝蟹腳、如手指般粗的珍寶牡丹蝦和矜貴象拔蚌刺身，統統都以特惠價發售，比在日本餐廳吃平得多！
等唔切回家？今年會場有攤位供應海鮮燒物，像串燒虎蝦、燒魷魚等，由廚師即場燒烤，香噴噴又惹味，邊食邊掃貨，滋味！
超值海鮮Set：$294
攤位編號：1A-E24
海鮮套餐內有2千克重九州特大油甘魚刺身、阿根廷野生赤蝦刺身8隻、丹麥野生甜蝦和新西蘭藍殼鮑魚，很豐富；更附送北海道野生昆布，抵到笑。
北海道4S帶子刺身 $298/千克
攤位編號：1A-E24
北海道的鮮甜帶子，肉質豐厚，足足有1吋厚，會場價比平日便宜近5成，抵食！
牡丹蝦刺身（珍寶碼）$250/千克
（加大碼）$280/千克
攤位編號：1B-A07、09、11
原隻連殼生牡丹蝦，珍寶碼1千克約有16至20隻，而加大碼1千克有20至24隻，厚肉爽口，質感黏黏的，相當鮮甜。
日本北海道鹽漬紅刺參（加大碼）$988/3條
攤位編號：1B-A07、09、11
日本遼參中品質最為上乘，肥大肉厚。產量不多，因此價錢比一般遼參貴，如今以優惠價發售，每日僅售10件，必搶！
熟毛蟹 $160/隻
攤位編號：
1B-A07、09、11
北海道毛蟹，每隻重400至500克，解凍即食，肉質飽滿鮮美，蟹膏很多。