海鮮清淡鮮甜，一年四季都啱食，尤其近排天氣熱，更加合時。富豪九龍酒店富豪軒最近就推出「雙龍燕」星級套餐，可一次過品嘗爽滑龍蝦、鮮味龍躉以及養顏燕窩，食得矜貴盡興。
套餐的菜式頗為大路，亦不失豐富，包括由燈影牛肉、夫妻肺片及蜜汁叉燒組成的川粵風味小碟、太極燕窩羹、上湯波士頓龍蝦、蜜豆百合炒龍躉球、滑豆腐蒸龍躉頭腩、雲腿扒雙蔬及薑葱霸王雞等。套餐由4位至12位都有供應，無論三五知己吃餐好，抑或家庭聚會都啱。
撰文：楊淑英
查詢電話：2313 8681