即管稱她是A君吧，某飲食雜誌的編輯，平日工作是聯絡各大餐廳食肆，相約採訪安排拍攝。手板眼見工夫了，近期卻跟日式牛肉放題店「一陣見」產生問題……及可笑的事。
話說A君致電該公司市場部，問：「我是XX雜誌A君，知道你們有新店開張，請問有何特色？」回答是：「都係嗰啲啦，環境舒適啲。」未免太敷衍，但算了。
A君問：「請問何時能安排拍照？」不問由自可，一問不得了，答覆是：「你可唔可以講嘢唔好一舊舊？請你重新講過。」很奇怪吧，像上司教訓小職員的態度，對方好像認定了A君是「有事相求」。
繼續其答覆：「你應該清楚啲、具體啲，話係雜誌嘅營業部、市場部定係編輯部，然後先話你想做採訪或拍攝或問我攞公關相……」基於「疑點利益歸於被告」，我假設A君交代不清啦，但作為市場部人員，大可直接問A君是貴雜誌哪個部門、有甚麼需要云云，何須擺出一副「教你工作」的姿態？何況雜誌表明對店舖有興趣，市場部應否率先表示欣賞及道謝？
A君有點無奈，但算了，只想快速完結爭拗，就根據對方要求說個明白，並問：「可唔可以畀我睇吓菜牌，等我預先選好想拍攝嘅菜式？」回答是：「菜牌是秘密，唔可以外傳。」OMG，放在店舖門口任客睇個飽的菜牌，原來是商業秘密。
這位市場部人員的表現，3分啦。如果20分是滿分。
旅遊飲食寫作人