香港人生活節奏急促，女士皮膚容易出現問題，若冇時間做Facial，就要落手落腳化妝美肌了！針對此情況，App Store備有大量美容Apps供各位愛靚人士下載，以下就為大家揀選5大推介，從此收身扮靚不求人，靚得健康！
女士們經常遇到肌膚問題，這個App提供簡單的「美肌大測試」，只需回答數條問題，系統自會分析閣下的皮膚狀況，並推介最適合的美肌方案。若想更全面，用戶還可把個人相片電郵到美容中心，等專家幫你做詳細分析。它還提供每日護膚小貼士、美容推廣及遊戲等，內容豐富。
售價︰免費
很多女士Clubbing前都會化個靚妝，有沒有想過參考外國明星靚妝呢？《Celebrity Makeup Looks》集合了多個Video Bloggers的教學短片，教授大家外國明星的化妝方法，例如Angelina Jolie、Beyonce、Britney Spears等，跟住佢化妝隨時可以變巨星！但要留意短片採用串流下載，清晰度只屬一般。
售價︰免費
敷Mask做Facial頗浪費時間，很多女士都嫌麻煩，但原來只要將它們變成遊戲，大家便會愛不釋手。這個遊戲App主要是協助店主Sally，替客人敷Mask、美甲、按摩或焗蒸氣浴，篤幾下便能完成。它備有50個關卡，當中有趣的卡通畫風，配以悠揚的Spa音樂，最適合做Facial時打發時間！
售價︰2.99美元（折約港幣$23.3）
女士美容豈止護膚一環，基本上全身都可扮靚。《美女速成班》將扮靚分成美髮、減肥、護膚、美胸、防皺、抗痘及美白等18大類，每類都有相關文章及超過400張圖片說明，睇完自然由頭靚到腳。另外，很多女士都愛買高跟鞋，這裏就提供選購及保養方法，仲教大家正確穿着方法，愛鞋一族記得「單撈」。
售價︰免費
俗語話「藥補不如食補」，所以要由內靚到外，便要適時進補。這個App其實是一本美容電子書，它針對職業女性常遇到的壓力及焦慮問題，推介為期31天的合時湯水食譜，只要每天跟住材料及方法烹調，一段時間後就能達到美白、去黑眼圈及補肺益腎等效果。但留意食療因人而異，若有疑問記得問醫生呀！
售價︰1.99美元（折約港幣$15.5）
撰文︰陳志滔