夏日造型 休閒風
活在大城巿，白領上班族被Copy & Paste一式一樣的西裝鎖足五日，對於Mix & Match的時裝意識早已退化，幸存的都變成名牌奴隸，西裝式Full Set跟死一個牌子，受夠了吧？難得一個可以放下那副盔甲的周末，給自己優皮地過一個Resort的時裝日。
撰文：陳捷偉
攝影：謝孝祥
模特兒：Thomas B.（Starz People）
查詢電話：（a）2203 4130（b）2629 1858（c）2868 9676（d）2384 6968（e）2110 9546
夏之定番造型
Resort Style造型其實是成熟Formal Wear衍生出來的休閒版本，源於美國優皮族，以斯文為大前提，顏色以清淡的粉色為主調，由恤衫、斜褲、Polo、V領Tee及針織這幾樣產品作主導，即使穿慣西裝也不會覺得難以適應之餘，這種造型只要配襯得宜，更能有一種高貴內斂的氣質，經過近年的海員風融合，這種上流優皮族更成為夏之定番造型。謹記雖然近似，但白領們不要慣手勢，繼續西裝筆挺，Resort Style的所有東西，要有咁Hea得咁Hea皺都唔緊要，驟忌起骨過分正經，要浪子格。
顏色可Sharp不可Dark
如上文所說，Resort Style概念源於白領優皮族，夏季造型是以2~3件頭為標準結構：Polo + Chino + Deck Shoes、Cardigan + Shirt + Cropped Pants + Deck Shoes 及Blazer + Washed Denim是入門方程式，看似很簡單，但其實以上三組你只要行錯一步就會變成老套，所以顏色、Pattern及小物這三樣東西很重要，色調可Sharp不可Dark，最好是洗水。三件頭可配一件鮮色Item吊味，不過Pattern唔可以太花，盡量用細格仔，直橫紋等簡單的圖案。小物方面，頭上一頂草帽、一副太陽眼鏡就已經很足夠，不過謹記一定要係復古式的膠架，看似容易，實情易襯難精，不妨多襯幾套試試效果。