你可能會諗，當茶記、快餐店都加價，去酒家食飯咪仲貴？實情係睇你有幾識揀，好似位於鰂魚涌、主打粵菜的「富嘉閣」，就由即日起至5月31日推出晚市套餐買一送一優惠，包湯羹、小菜及甜點等，平平哋就已經食到捧腹而回！
別以為抵食就代表無質素，富嘉閣向來選料嚴謹，炮製一系列精美粵菜，即使面對通脹壓力，亦沒有將貨就價，反而推出晚市套餐買一送一，回饋食客。酒家備有3款套餐選擇，推介菜式包括原隻鮮鮑伴鵝掌、砂窩粉絲蟹煲、七味百花炸釀蟹鉗、頭抽浸雞、粉絲焗海蝦、鳳梨咕嚕蝦及桂花燉雪梨等。
此外，套餐亦有不少糅合新舊的佳餚，像鵝肝焗釀鮮鮑、蜜瓜海螺湯及陳皮香酥骨等，令人一試難忘。這優惠每逢星期一至六晚市推出，套餐每位由$338起，而且茶芥及加一服務費全免，駕駛人士更可享有3小時免費泊車優惠，大可舒舒服服，望着窗外的維多利亞港海景及鰂魚涌公園的翠綠景致開飯，視覺和味覺可同時得到滿足。
撰文：楊淑英
查詢電話：2750 0823