今年是兔年，撞啱復活節，特別多應節iPhone Apps以賓尼兔為主題，除了可以學「任天狗」育成兔仔外，還可以同佢講話，甚至令兔仔在鏡頭前蹦蹦跳，玩落都幾得意。唔知大家會否趁住本周的復活節假期，在iPhone養番幾隻賓尼兔陪你過節呢？
撰文：布偉倫
養貓仔狗仔或者未夠特別，趁復活節檔期不如養番隻賓尼兔。雖然《My Easter Bunny 3D》的玩法未必及「任天狗」，但可用15種方法跟10款不同造型的賓尼兔互動，如同佢玩小遊戲、氹佢瞓覺等，可為擁有無限愛心的女士們消磨時間。
售價：免費
《Talking Bunnie》適合唔想太花時間養電子寵物，但又想隨時同佢玩的玩家。只要一按掣，App中的賓尼兔會自動起舞，特別之處還在於佢識得自動錄音，用可愛聲調重複玩家的說話，還可以錄成短片上傳至YouTube及facebook。
售價：免費
有雞先抑或有蛋先？恕小記答唔出，但這款「蛋對雞」App真的非常有趣，要保護雞蛋免受憤怒雞侵襲。新版更應節地變成Easter Egg Hunt Edition，令地圖的雞蛋轉為復活彩蛋，還加入收集復活蛋玩法及隱藏關卡，難怪遊戲的評價不俗。
售價：0.99美元（折約港幣$7.7）
記得小學上美術課要髹復活蛋嗎？透過iPhone一樣可以重溫當時的感覺。《Egg A Sketch》內有3D彩蛋給大家畫公仔，可以左轉右轉，畫螺旋紋都輕而易舉，畀大家發揮無限創意，應節之餘仲唔怕整污糟雙手。
售價：免費
遊戲玩法跟《Restaurant City》相似，由餐廳布置、搜集食材、烹調到接待客人都要一腳踢。遊戲還會每日送出特別禮物，話明係Easter版，當然會送上應節Items，未知可否如App Logo一樣煎復活蛋呢？
售價：免費
融入實境
新App將AR擴增實境技術移植至iPhone，令虛擬兔仔可融入實際環境內。用家只要開啟鏡頭，就會見到眾多「復活兔」在眼前跳來跳去！同時更可影低AR兔仔相，相當有趣。
售價：0.99美元（折約港幣$7.7）