林公公通波波，一時間惹來「特首班子七勞八損」之言論，其實有何稀奇？人老，便色衰、下垂、遲鈍、易攰、手腳慢、出毛病，何況是日理萬機、天天應酬、分分秒秒活在壓力下、間中收紙棺材或被擲香蕉皮的打工仔？吃多少補品，做多少次Body Check，亦難防避各式各樣都市病。
新聞說林公公開刀的關鍵，是心臟有一條支血管被膽固醇弄致七成閉塞。成因可以好多，估計是遺傳、患病、壓力、飲食……換句話說，乜都係問題。工作要應酬，就會有飯局，好吃的東西，大都是濃味、肥美、多鹽分、高脂肪，一等一的Evil。要忍口，好難；為了職務，更難以推辭。
這一點，當飲食版記者的都十分明白。初入職者，通常極度雀躍，劉佬佬進大食園，誰不受寵若驚？3個月的Probation未過，已重了5、6磅，方知道被「職業病」入侵了。理智上希望戒食，嘴巴卻不斷偷歡，最終是心肝脾胃受罪。
年紀大了，為免日後別人談起我，均以麥兜的口脗說：「陳俊偉，寫旅遊飲食，然後，死咗。」我不得不減少食量，試食又好社交飯又好，盡量預先說：「我一定食剩嘢，請廚師不要介意。」我無意浪費資源，但正如時裝要做Sample、拍戲要用道具，有些食物是用來達成研究及討論的目標，並非要來吃清光。所以呢，我討厭有人說：「你咁浪費，第日一定落地獄做餓鬼。」我必定反駁：「你咁黑心，必定遭鈎脷筋。」
旅遊飲食寫作人