關琬潼美學+美食=藝術品
一直相信，理想工作是存在的：做你喜歡的事，或喜歡你做的事，食物造型師（Food Stylist）關琬潼（Shadow）就將這二合為一，從事跟美學、食物的工作，發揮其設計天賦，走出美麗人生。這自言感恩的幸福女性，下一步將開設Life Style專門店，推廣生活美學。
父母薰陶愛煮食
走進美食世界前，Shadow曾是個翻譯員，但她表示工作刻板：「我鍾意文學、語言，但讀書同工作係兩回事，翻譯文件的內容好沉悶，所以最後都係辭職唔做。」
Shadow的爸爸開餐廳，媽媽又廚藝了得，自小便喜愛煮食，所以，辭職後便開始在網上接訂製蛋糕生意，還在家中開班教甜品，後來因為學生太多，索性開設Bonne Chere造型設計工作室，作為大本營。
其後，逐漸有人找Shadow寫食譜、飲食專欄，而她亦開始轉做Food Stylist：「當時，愈來愈多人教整甜品、寫食譜，我好想做有新意的事，而鍾意煮食，也不一定要將它變成工作。」Shadow對設計、藝術興趣濃厚，當Food Stylist便可將美食、美學融和，結合成藝術品。
用食物傳遞訊息
Food Styling到底是甚麼？Shadow說：「簡單啲講，就係將食物變得色香味俱全。每次做Styling，都要清楚知道想要傳遞的訊息，跟着從食物、布置方面突出效果，令人一見到就想買或想食。」說起接觸這職業，Shadow表示很多年前，從外國烹飪書、雜誌及電視節目得知：「香港好少呢方面的資料，唔算流行，我會上網買香港少見的雜誌，去旅行又會買書，多啲充實知識。」
從事Food Styling多年，Shadow分享經驗：「識煮嘢、寫食譜係最基本要求，有Art Sense係好緊要，因為這是天生的，好難後天去學。另外，要對食物欣賞、有熱誠。」她笑言鍾情日式風格，簡簡單單的，有禪味的那種，突出食物主題而不會喧賓奪主。
開設生活專門店
2009年，Shadow再來一次新嘗試，就是跟好朋友、星級餅廚Tony Wong等人開設「曲奇四重奏」，因大家在坊間找不到合心水的曲奇餅，便索性自己開一間，以優質用料炮製健康曲奇，配合精美包裝，一開店即打響名堂，還開設了分店。之後又跟Tony合作開設Patisserie Tong Wong及Froyo專門店Smile，愈做愈多瓣數。
Shadow說：「大家單睇Food Styling個名，或者會以為淨係同食物有關，其實可以引伸到其他方面，例如我為餅店設計的餅盒、紙袋、卡片等，甚至研究埋餐枱布置、家居布置，成為一種Life Style。」她的下一步大計，就是開設屬於自己的Life Style專門店：「我會賣生活用品，及由我設計的衣飾，我感恩所擁有的，想將它跟大家分享，還希望透過售賣此店的Catalogue，將收益作慈善用途。」
關琬潼小檔案
生活及食品造型設計師，為不同媒體撰寫食譜、專欄，亦推出個人著作。2004年開設Bonne Chere造型設計工作室、生活雜貨店，其後與合作夥伴開設Smile Yogurt & Dessert Bar乳酪店、Cookies Quartet曲奇店及Patisserie Tony Wong糕餅店，瓣數多多。
撰文：楊淑英
部分攝影：張群生