《魔盜王4》冇咗靚仔Orando Bloom同靚女Keira Knightley，好在仲有型男Johnny Depp撐場。不說不知，原來拍咗三集《魔盜王》的導演Gore Verbinski都走咗，去拍3D卡通電影《馬拉高》（Rango），更找來Depp哥聲演蜥蜴仔馬拉高。電影將於4月16日在香港上畫，內容是：蜥蜴仔馬拉高誤打誤撞成為「烏卒卒」小鎮的殺鷹英雄，但呢份好威嘅工一啲都唔筍，馬拉高隨時要同大蟒蛇惡霸鬥槍，還要飛天遁地去完成各種不可能嘅任務……總之烏龍百出。有評論說這部戲有《魔盜王》嘅影子，加埋Depp哥把鬼馬聲線，就算劇情「行」啲，筆者都有興趣看看。若你想先睹為快，可以到Amazon訂《Rango：The Moive Storybook》。全書48頁，有齊故事梗概、登場人物資料、分鏡手稿及各種特效介紹等，到時，你有大把資料做Talking point。