巨肺E7 G.E.M.玩Apps傳情

樂壇小巨肺G.E.M.唱得又跳得，原來仲好玩得，揀手機當然以好玩為上，好似新入手的Nokia E7，800萬像素鏡頭可拍高清片不在話下，仲有勁多Apps玩， G.E.M.話最冧新增的《WhatsApp》同《Skype》，方便海外傳情喎！其實E7內置了16GB記憶體，幾多Apps都夠裝，同佢一樣咁巨肺！

巨芒配QWERTY

全球擁躉都鬧Nokia跟Microsoft走在一起，但實情前者並未遺忘「糟糠之妻」Symbian，繼N8、C7等手機後，再加推同為Symbian^3，但規格和功能更齊全的E7。就外觀而言，新機跟N8沒有大分別，同用一體成形設計，但E7屏幕卻放大至4吋，還在AMOLED背板加入ClearBlack技術，慳電之餘，黑位特別實，保證陽光底下依然清晰。另一分別是E7加入側滑QWERTY鍵盤，字帽細細粒兼距離適中，經常SMS都打得輕鬆！惟留意今次E7只有深灰及銀白兩色選擇，用色略嫌未夠Young。

自拍個人MV

女仔愛自拍，廿歲未夠的G.E.M.亦不例外，E7雖不如N8般採用蔡司名鏡，但800萬像素鏡頭已支援全幅對焦技術，用來自拍剛剛好！而新機可拍720p高清短片，拍完後還可加入音樂、字幕及過場等剪片特效，連阿G.E.M.都話，可以自己做導演拍埋MV！當然，有靚MV冇理由一個人獨賞，這方面E7機頂特設HDMI輸出，能將畫面轉駁至大電視，若短片支援Dolby Digital Plus的話，更可以聽到環迴立體聲，勁震撼！

售價︰$4,898	內置短片剪輯程式，可加入背景音樂、字幕及過場特效。	設有HDMI介面，能把畫面輸出至大電視。
QWERTY字帽都幾細粒，幸好距離適中兼印有倉頡字根。	全機用鍍鋁製成，備有800萬像素鏡頭連雙LED閃燈。	一體成形機身不能拆蓋換電，SIM卡改玩側插！
屏幕可45度翻起，雙手用力便可推開。

經短訊鎖機

E7的宗旨是「Work Hard Play Hard」。Work方面，它內置Push Email及Microsoft Communicator Mobile等技術，方便大家收發電郵及跟同事即時通訊。至於Play則指它背靠Ovi Store，同步上架的Apps有《海港城Guide》、《WhatsApp》、《Skype》及《繁\簡SMS轉換器》等；但個人最喜愛還是預載《Anti-Theft》防盜程式，當遺失手機時只要發個短訊到自己號碼，手機即能自動上鎖，用戶甚至可遙距把資料銷毀。正如阿G.E.M.話齋，以後可安心儲存私人照片了。

預載facebook、twitter等社交程式，惟「打卡」功能就未有。	發個短訊給《Anti-Theft》便能鎖機，還可用GPS追蹤失機。	《WhatsApp》可跟iPhone、Android等手機互發SMS。
《海港城Guide》有齊商戶指南及最新優惠。