初三，赤口。你知道嗎？從小到大，我都被家人說過年時節，最好少說點話，可避免觸霉頭，少說少錯。但是，我們身處網絡時代，每個人都有機會走紅，也有機會被全天下人罵個半死。畢竟，任何人都可以有機會匿名罵人，即是任何人都會有機會被罵。自稱電台最具影響力並且有才華的年輕DJ陳強，他做的節目叫《你睇我唔到》，那是一個訪問香港邊緣青年的節目。他在網絡上被罵到體無完膚。如他擺明車馬跟香港的高登仔開火，說他們起底不道德，當然被網民罵得開巷。
「我成日諗，算啦唉，人生都係幾十年，開心就OK啦。」陳強說，他一天到晚看到很多邊青，也看到很多香港的不平事：「不過我成日覺得我係嬲，然後鬧，但係我冇怨。我鬧，鬧完就算，出吓氣。但其實我唔會仇恨任何人，因為我明白每個人都有自己的苦衷、原因、過去。所以我覺得我心境好健康，真的。從不失眠！」睡得好，其實很難。有些少年少女，被人在facebook說兩句就好像天打雷劈一樣。
「你要知道我多次被網民攻擊，我連C1都上過，但……我真係可以放工就算，回家又可以安心瞓。鬧我，我又唔會生癌，又唔痛。做咩喎？傻的！我睇吓電視又一日啦。不要以為我是充出來的，我是真的很『自然』。（我做節目的時候）不是想說就說，但說出來會令自己不開心的，就不會說。」
但被人家罵，不會怕嗎？「沒有驚過。依家回想，真係冇。我唯一諗嘅係，會煩惱嘅係──哎呀！畀人鬧，有咩辦法將佢轉為我的力量？我要借埋佢哋的力量！」「總之，全部都係商業考慮。」陳強說。當人人都有機會被罵到上天，如何把罵轉化成能量，應是處世必學之道吧？
讀\說書人