汽車大掃除 DIY話咁易

事先準備好緊要

洗車DIY其實好簡單，只要準備水桶、毛巾、洗車清潔劑及基本車廂清潔用品便可。雖然話簡單，但係都有既定程序，唔可以亂來，否則分分鐘會刮花車身。還有要識得搵地點，因為隨街洗車唔單止會影響其他人，更可能畀人告架！

打蠟前要洗淨車身，否則反而有機會刮花表面。	用洗軨水時，最好距離約6吋噴射，可達至更佳效果。	汽車大銀幕沾滿灰塵同油漬，最好先用清水洗淨再用玻璃水拭抹。
車廂地氈都要清洗，亦應定期除塵。	真皮座椅表面，最好用皮蠟搓揉，可令座椅更耐用。

邊度洗車好？

大部分油站都有水喉，只要你有水桶、毛巾便可以動手，裝滿桶水就可以慢慢洗，但係要謹記，油站範圍內不能停留同洗車，至於點樣搵個有利位置？咁就要自己執生啦！有不少時租停車場都有水喉，若果嫌在街洗車麻煩，大可以畀錢入時租停車場自行取水洗車。

洗車產品推介 吸水布 洗車專用吸水力強。售價：$58	特光亮車蠟 打蠟後車身特別光亮。售價：$140	強力洗軨水 以6吋距離噴射再拭抹可有更佳效果。售價：$78
特別光亮清潔劑 適合鮮色車身。售價：$63	車廂除臭蛋 備有炭成分，除臭更有效。售價：$28	車廂除臭器 可去除煙及汗造成的異味。售價：$85
迷你自攜洗車套裝 以點煙器取電，透過電泵及水槍便可洗車。售價：$380	多用途清潔劑 車身、玻璃或胎軨均合用。售價：$45

清潔車身5步驟

喺洗車前先用雞毛掃除塵，最好係順風向掃，以免吸入灰塵，之後就可以開始洗車。

1.用清水先淋濕車身或用濕布拭抹

2.用加入汽車專用清潔劑的海綿搓揉車身表面

3.以清水沖洗

4.用吸水布抹乾車身

5.若要打蠟最好趁乾燥天氣及避免陽光直接照射

撰文：林健森

攝影：黎劍華

查詢電話：2392 4244（台日汽車用品）

汽車提供：Motor Image（2511 2727）

模特兒：Jason、Crystal（Fame）