又一隻內地Online Game殺入香港！由星漫科技創作嘅《星塵傳說Online》剛開放公測，呢隻遊戲響內地人氣甚高，之前要開番個內地戶口先有得玩，家陣有埋香港版，大家就唔使愁啦！「萌」到爆嘅3D人物造型，加上超多任務畀玩家打寶練功，連「浸大E神」楊梓瑤（Carol）都為佢日煲夜煲，話試晒22個職業先過癮。
遊戲圍繞着虛擬世界露維尼亞展開，內有獸人、精靈、矮人及人類各種族，過着和平生活。有一日主宰世界的雙子女王，姐姐妒忌受眾神愛戴嘅妹妹，挑起「帝國」同「聯邦」之戰，令世界失去平衡。最正係香港版《星塵傳說Online》為咗凸顯雙子女王分裂嘅故事，特別搵來被傳媒稱為死敵嘅「浸大E神」和「百果園DaDa」做代言人，夠晒話題性！
顛覆傳統MMORPG一個帳號只可修煉一種職業，《星塵傳說Online》擁有「星盤職業系統」隨時轉換22種職業，有超強破壞力嘅狂戰士，亦有勁多魔法嘅巫師等，全依據12星座創作。好處係玩厭咗遠攻嘅朋友，可以轉職試近戰角色，Level仲唔會變番零，保留辛苦儲嚟嘅心血。遊戲加入視頻認證系統，所有男扮女或女扮男嘅玩家當堂無所遁形，大家想喺遊戲結良緣就放心晒！
打寶練功當然唔可以獨沽一味，《星塵傳說Online》除咗主線任務外，每星期都有各項特別任務，有幫自己陣營增加資源嘅任務，仲有鬥技場、試練塔等，完成任務有機會拎走罕有道具。最吸引Carol的是全新國戰概念，畀大家體驗戰術魅力，擴張國家陣營疆界；還新增怪物卡片元素，利用過千款不同卡片，幫自己提升屬性技能，就算齋儲卡都認真耐玩！
日前Dada同Carol兩位女王率先於「冬日網遊祭」為《星塵》開戰。二人各拔出寶劍啟動公測儀式，意味着大戰一觸即發！同場還有《聖劍Online》、《賭神俱樂部Online》等新遊戲發布，由眾多Cosplay代言人帶起現場火辣氣氛。
類型：MMORPG
開發：成都星漫科技
平台：PC
售價：免費
查詢電話：2866 9090
撰文 ：廖俊斌