黃婉曼登頂樓餐廳眺望香港

愛澳洲生活悠閒

這間位於尖沙咀某商場頂樓的Wooloomooloo Prime，是主打牛扒及海鮮的澳洲餐廳。Icy提起澳洲就興奮：「好鍾意澳洲悠閒簡單嘅生活，幾年前第一次去當地旅行，即時愛上呢個國家。去咗悉尼、墨爾本同坎培拉十幾日，每日都去海灘玩，對住藍天白雲，真係好開心；夜晚又會食牛扒、飲紅酒同睇星，玩到十點幾就瞓覺，生活好有規律。」

大忙人要重遊舊地，恐怕暫時只得空想，或者先來這裏開餐望梅止渴。新餐廳沿用Wooloomooloo作牌頭，但特別加入Prime字眼，當然是「升級版」：新店設計走摩登路線，配以從峇里運來的Sugar Tree原木餐枱、裝滿一條條杉木的架子及碎石裝飾，營造出自然韻味。甫入餐廳即見大露台，無遮無擋的飽覽靚景，接着的Lounge Area、吧枱位及兩個用餐區，都可望見維港景色，每部分都自成一格。

餐廳氣氛Casual，以高椅子配襯從峇里運來的Sugar Tree原木餐枱，可跟一大班朋友聚餐。

Wooloomooloo Prime設有酒吧及餐廳部分，先暢飲後開餐，夠晒方便。

牛扒海鮮選擇多

糅合多重風格的，還有餐廳網羅的各國靚牛，包括草飼的、穀飼的，甚至是其他分店沒有的熟成牛扒（Dry Aged Steak）及牛肉他他等；而每件牛扒上枱時，更會奉上賣相精美的醬汁。跟一般Steak House相比，這裏還供應很多牛扒以外的美食，獨家菜式包括吞拿魚蟹肉他他、鱘魚魚子醬、西班牙火腿及澳洲羊扒，海鮮方面則有野生的Blue Nose等。由於不少食材都是澳洲出品，令菜式充滿地道風味。

Icy對飲食甚有要求：「我幾重視餐廳環境，因飲食是生活的一部分，呢度樓底高，又望到海景，好正。成日話『搵食』嘛，捨得食都唔算過分啦！」這位曾是牛魔王的女生，現因信仰而戒了食牛，不過，男朋友愛食牛，兩口子便不時到Steak House開餐，她大讚這裏多選擇：「海鮮、羊、家禽都有齊，大家都有得揀，而同一大班朋友食飯，吞拿魚蟹肉他他、帶子等菜式都好方便Share食。」

Rib Eye 12 oz $390 餐廳最出名的澳洲黑安格斯牛，穀飼令其油花均勻細密，肉質香甜鬆軟，還附上4款賣相精美的醬汁，慢慢點慢慢試。	Pan Seared Wild Blue Nose $360 這野生魚來自澳洲及新西蘭一帶，類似海鱸魚但肉質較結實，簡單的先煎後焗已很出色。	Broiled Sea Scallops $195 以蘋果木熏製的煙肉，包裹北海道珍寶帶子，煎香後再放入焗爐，將兩種滋味混成一體。
Wooloomooloo Cheesecake $90 餐廳行政總廚Sebastian Guevara表示，歐洲最傳統的芝士蛋糕，其實質感軟滑如布甸，芝士味香濃且不覺膩滯，試過就知好食！	Tuna and Spanner Crab Tartare $178 由Chef Sebastian自創的菜式，牛油果沙沙、鮮甜蟹肉、吞拿魚粒及三文魚子層層疊起，鮮味多重奏。

學做主持人

繼講波後，Icy再向高難度挑戰──講馬，近期亦擔任不少公開活動的主持，並當上內地旅遊消閒雜誌的總編輯。明年更會主持資訊性節目，學做真正的節目主持人。

試食報告

環境氣氛：★★★★

好味指數：★★★★1/2

必食推介：Tuna and Spanner Crab Tartare、Broiled Sea Scallops

人均消費：$600

撰文 ：楊淑英

攝影 ：梁偉德

查詢電話 ：2870 0087