掌握打蠟宜忌愛車閃過人

要令車身歷久彌新，淨係洗車係唔夠架！仲要每隔一段時間進行打蠟，徹底去除陳年污垢同花痕，睇落就閃令令！坊間有好多汽車美容店提供打蠟服務，而有啲車主就鍾意親力親為，不過喺落手落腳時原來都有好多注意事項，唔想弄巧成拙就要留意喇！

選擇地點要適宜

為車扮靚亦要睇環境，千祈唔好喺猛烈陽光直接照射之下洗車或打蠟，事關車身容易起水漬，而被曬熱嘅車身，會導致車蠟嘅附着力下降，效果難以持久！況且烈日當空，睇怕未打完個車頂已經中暑。

至於打蠟最佳地點，應該選擇喺一個環境清潔、通風良好嘅地方。打蠟之前應先洗車，若車身表面沾有沙塵等污物，反而會弄花車身，洗車後仲要等完全乾透再上蠟，咁就萬無一失。

車蠟種類要識揀

車蠟種類繁多，有固體及液體之分，再細分為粗蠟、白蠟、蕉蠟、拋光蠟同封釉蠟5種。一般而言，應根據車蠟特點、車輛新舊程度、車漆顏色及行駛環境等因素考慮，好似粗蠟具有起漬、淡化車身花痕及氧化層嘅作用；而白蠟就可輕度去污，以及恢復車漆原有光澤；至於蕉蠟、拋光蠟同封釉蠟同樣可以令車身變得水晶般光亮，一啲品質較好嘅蠟水更具有防刮花、防水同防紫外線嘅效果。此外，選購車蠟時，要考慮對應車漆顏色，一般深色車可選用黑色、紅色、綠色系列的車蠟，而淺色車則可選用銀色、白色系列車蠟。

用乾淨毛巾清除污垢後，再進行打蠟最為妥當。	打蠟後，記得要檢查有冇殘留蠟垢呀！	產品推介超艷去漬打蠟水劑 $65 一次過做到洗車及打蠟效果，用後車身回復鏡面狀態，仲有防水功效。噴壺式設計使用夠晒方便。
Rinrei超撥水車蠟（水劑）$65 除咗有洗車及打蠟作用，更具有超撥水功效，雨水快速溜走，避免車身起水漬，效果更長達三個月。	Pro MiraX蠟水 $65 有助去除車身上嘅細微花痕，使車身變得光亮，仲有防刮花功能，適用於淺色車系。	Carmate除花痕水蠟 $85 內附兩支蠟水，具有不同作用。1號為粗蠟，可淡化花痕及去除氧化層，2號蠟水則可恢復車漆原有光澤。