歐洲四大聯賽相繼開鑼，驚吹水時唔夠人講，又或者想留意愛隊同球星們的最新動向，以至想即時知道即場賽果或文字評述，裝個免費iPhone足球App就已經幫到手，唔得閒坐定定睇直播都可以為愛隊打氣！
始終英超在港的Fans較多，所以這個英超官方iPhone App一出就成為下載榜首。作為官方產品，英超資料確實相當齊全，由各支球會的新聞，到聯賽榜以至聯賽賽程都落到足，惟獨是暫時未能以Wi-Fi收睇精華片段。
LiveScore只提供即場賽果，球壇消息欠奉，但更新速度都算快。LiveScore iPhone App設計跟網站版同樣簡潔，可分門別類接收單一聯賽最新賽果，仲可一按即睇入波名單。
歐聯同歐霸杯已完成外圍賽，大部分名牌球會都可躋身分組賽，戰況將會相當激烈。就好似經過抽籤後，AC米蘭、皇馬、阿積士跟歐塞爾都編在同組，惡戰難免，透過UEFA.com mobile就可以睇到最新賽果同相關球隊的備戰消息。
撰文：布偉倫