潮場掃家品 6折有交易

天氣熱到爆,人人都話唔願出街,但鍾意購物嘅我,又點會放棄Shopping機會?咁啱有朋友報料,話本地潮流家品店「賣Home」正進行大減價,唔少從日本、韓國及台灣進口嘅潮流家具都以特價發售,大部分只係6、7折,仲唔快啲趕去掃貨?

搞鬼設計 人人搶

成日聽朋友叫悶,其實想為日常生活添姿采有幾難?只需買幾件得意家品返屋企已經達到目的啦!以下多款造型搞鬼嘅家品,最平廿幾蚊就可以帶走,仲唔睇吓有冇心水之選?

三頭燈座

三頭座枱燈設計簡約且線條流麗,輕易為居室帶來點點溫暖和諧感覺。

原價$280

開倉價:$168

女士至啱

鏡面掛鐘,可邊睇時間邊扮靚,啱晒一眾要朝朝趕返工的「姿整」OL。

原價:$998 開倉價:$598.8

魔法格子

只要將「令面」茶杯放在黑白格仔碟上,杯身便會反射出獨特花紋,邊歎茶邊自娛,正!

原價:$88  開倉價:$52.8

書迷必備

薄薄一片的燈卡,最啱半夜三更睇書時用,又可當書籤用,唔怕騷擾到屋企人。

原價:$38(白色)$42(彩色)

開倉價:$22.8(白色)$25.2(彩色)

抱抱雞腿

可愛的雞腿造型攬枕,最啱一眾為食之士,不過記住唔好食佢落肚呀!

原價:$88 開倉價:$52.8

圓球炸彈

外形活像炸彈的紙巾盒,可以用來嚇嚇到訪的朋友。

原價:$98

開倉價:$58.8

仿古木箱

小小仿古木箱除可擺放雜物外,更可當椅子用,最適合放在玄關位置。

原價:$1,680

開倉價:$1,008

實用之選 個個要

有人鍾意潮,自然有人要求所買之物有更大實用價值;且看以下只需7折就可帶返屋企嘅貨品又是否啱你心水?

梯椅兩用

穩佔店舖熱賣產品榜,一物二用的梯子可輕易變身為座椅,夠晒實用!

原價:$499

開倉價:$349.3

玩味水杯

遠看活像一個用完即棄的紙水杯,其實杯身是陶瓷製,杯蓋則是矽膠,最啱盛載熱飲。

原價:$128

開倉價:$89.6

下廚助手

多功能切菜器,可以輕易將蔬菜瓜果切片、絲、件,是製作夏日沙律的好幫手。

原價:$58 開倉價:$40.6

護腰之選

日日對住電腦工作,返到屋企梗會腰痠背痛!但這款太空棉慢回彈腰枕就可有效承托腰部及脊椎壓力。

原價:$138 開倉價:$96.6

加$1多一盞吊燈

除以上多款家品外,「賣HOME」更來個大突破,只需在該店購買一盞吊燈,即可以$1購買另外一盞價錢較低的吊燈!當中不少更是以高級水晶製成的歐洲貨,抵到爛呀!

銀色松果

松果形吊燈,以銀色主調帶出一份科幻感。

$2,480

自然風情

以麻線編織出的圓球吊燈罩,最啱東南亞Feel家居。

$998(細Size白色)

$1,398(中Size啡色)

開倉資料

地址︰尖沙咀DNA潮流百貨 2樓222A及B舖

查詢電話︰3486 0080

地址︰荔枝角九龍廣場6樓610室

查詢電話︰2456 2669

撰文︰鍾焯如 攝影︰郭凱敏、陳富權