度過了一個昆山陽澄湖、錦溪的小假期，是時候重返大都會上海，準備回港。臨離開之前，我用僅餘的半天時間跑到浦東香格里拉酒店，探望一位在那裏工作的朋友。朋友是馬來西亞吉隆坡華人，能操流利粵語，小時候家人為她選擇了Malay School上學，沒有正正式式上過普通話課，結果長大後誤打誤撞來到大都會上海做起酒店公關來。她經常笑謂：「真係唔知屋企人點諗，你睇，依家搞到我嘅普通話唔鹹唔淡。」
在公在私，朋友都帶我在酒店走了一圈，請我吃一頓飯，更讓我體驗旗下的「CHI」水療中心最新的玉石療程。說來也挺特別，這個療程利用加熱了的玉石在身體上做刮痧，據說可幫助經絡暢通運行云云……有否效果我不得而知，只知又是一個舒服得令我打睏的Treatment。看看價錢要一千六百多元，也毫不便宜，是遊客幫襯為主吧？「其實呢度經常都有本地人嚟光顧，而且佢哋都好鍾意試新嘢……價錢反而唔係咁計較。」
做過Treatment，朋友再帶我走一圈，途經酒店內設的Bridal Salon，我被櫥窗內的晚裝吸引着……原來是Vera Wang，難怪會這般亮麗耀眼！「一到周末呢度就逼滿試晚裝、婚紗的人。上海人真係好肯使錢，最平5、6萬元一件Vera Wang嘅Gown都係咁買，唔講價唔眨眼。」朋友說。好難怪好很多品牌都直接跑到內地開專門店，因為他們真正是Big Spender。
旅遊撰稿人