周汶錡名模風範惜肉如金

昨日Kathy、莊思敏、洪欣、莫可欣及陳鍵鋒一同出席頒獎禮活動，Kathy透露剛與父親大人在新加坡共賀生辰，她說：「今次去住咗間新酒店，個泳池好靚，喺間酒店嘅頂樓，可以一邊游水一邊睇晒成個新加坡嘅景，不過自己就唔敢曬，因為酒店新起，人流好多。（驚畀人睇蝕？）總之太多人自己唔敢囉，不過成個trip都好開心，食物亦一流，仲入賭場贏咗二千幾蚊，好開心。」曾推出旅遊書的她坦言對星馬有美好印象，故很想推出兩地的旅遊書。

嘆模界今非昔比

此外，談到有o靚模自拍「撕」暴短片網上博宣傳，Kathy直斥做法過火：「唔係咁好囉，女仔嚟架嘛，目的係咩先？我覺得過咗火位，我唔敢置評，但呢個風氣唔好，對好多年紀細嘅小朋友唔係咁好，其實出寫真可以好健康。」她又慨嘆如今做model跟昔日定義已不同：「依家好似唔出寫真就唔係model咁，希望呢個圈可以正面同健康啲，已經太過分，要收斂吓！」

莊思敏在小朋友面前，更添童真。	莫可欣（右）、龐愛蘭在活動中碰頭。	洪欣身材甚fit，狀態大佳。

陳鍵鋒dry到枯萎

陳鍵鋒透露近日因拍劇而損失暑假檔搵七位數字外快的機會，大為肉赤，他說：「好難兩樣兼顧到，如果搵到錢又未必拍到套好劇，人永遠活在可惜情緒。（咁想要財富還是名氣？）好難答，樣樣都想要啲，我想青春同健康。（感情呢？）都想要架，我已經三、四年冇拍拖，都好dry，就快枯萎！」

文：名人組