徐熙媛（大S）同何潤東主演嘅台劇《泡沫之夏》正在熱播，大S爆料話何潤東以監製身份叫導演使走晒劇組嘅演員同工作人員，等佢可以靜雞雞着三角泳褲拍落水戲。點知何潤東個助手跟大S夾定要出賣老細，搞到何潤東一換完泳褲出嚟，就畀成堆女士包圍住狂影，大S唔單止留嚟珍藏，仲同細妹小S講：「你要不要看何潤東的大鵰？」兩姊妹認真瘋狂！
