朱凱婷9月新娘嫁機師

現年32歲的無綫節目主持人朱凱婷，將於9月24日在尖沙咀洲際酒店筵開四十席，與拍拖五年的機師男友結婚。朱凱婷透露去年聖誕節前夕，男友突然送上戒指求婚，她說：「嗰日佢突然話我冇飾物，然後就攞戒指出嚟求婚，由於我跟住要同旦哥（鄭丹瑞）做嘢，所以冇畀反應住，到做嘢時立即同旦哥分享喜悅。」二人雖然都喜歡小朋友，但還是先過兩年二人世界。而李詩韻、曹敏莉、戚黛黛、張嘉兒等會擔任姊妹團。