古天樂米蘭掃鞋贈父

古天樂昨日凌晨出發到米蘭，他獲邀以VIP身份到當地觀賞國際品牌Bally 2011春夏騷，並為品牌拍攝宣傳照，據公關透露古仔是首位獲邀拍攝照片的華人，對此他表示深感榮幸，更承認今次酬勞非常可觀！向來孝順的古仔，本打算偕同家人到米蘭順道慶祝父親節，但因逗留時間不長，惟有取消，自爆是鞋癡的他說會買Bally皮鞋贈予父親：「我鍾意買錶同鞋，鞋一定唔止過百對，但我冇真正坐喺度數過有幾多對。」
古仔打算買意大利名牌皮鞋送給爸爸。
古仔打算買意大利名牌皮鞋送給爸爸。

曾和張栢芝合作的古仔，直言雖未知會否和她再合作，但對於栢芝復出表示支持：「佢復出我梗係開心，佢係影壇奇才，做戲好有天分！」至於Angelababy和黃曉明的緋聞，古仔笑說：「首先我都唔知係真定假，第二我連自己嘅感情事都唔回應，何況人哋嗰啲！」

古天樂昨日凌晨出發往米蘭睇Bally騷。
  • 古天樂昨日凌晨出發往米蘭睇Bally騷。