DaDa甘為人妖呵番老爸
「百果園咪神」陳靜（DaDa）早前指父親讚她「愈來愈大」，令人聯想起是指她的身材，藉着父親節DaDa向父親say sorry，原來所指的是「愈來愈大個女」，她不介意被指人妖，只是不想牽連家人！
昨日是父親節，DaDa收起性感，與同門的「翻版大S」李莉琳（Liz）撇甩父親搵真銀，二人以球衣、短裙上陣出席apm舉辦的「第四屆全港足球父子兵騎牛牛競技賽」，並即場示範以二人三足方式射波。DaDa因父親到了內地工作，押後補祝父親節，她說：「我會下廚煮海鮮餐畀佢食，我同爹哋好少機會見面，所以好珍惜相處時間。（今年收入大增，會送重禮？）都係食嘢，其實我每個月都會畀好多家用，起碼人工嘅一半。」
「唔係變態o架」
DaDa突然主動表示對不起父親，因早前她向記者表示父親讚她愈來愈大，其實是指她「愈嚟愈大個女」：「其實唔係指身材呀！報道出街後，好多親友都打嚟問我，我爹哋唔係變態o架！希望佢唔好嬲我，我怕佢唔開心。我唔介意話我人妖，但話我屋企人就唔好。」父親向來疼錫她，又收集有關她的報道，DaDa還大讚父親明白事理，不介意她以泳裝示人，她說：「過咗18歲已經可以着泳衣，何況我已經21歲。」
Liz畀爹哋飛
Liz笑言不是自己撇甩父親，反而是父親撇甩她：「我叫佢嚟睇我做嘢，佢話要去跑馬唔嚟喇。其實我哋已經預早慶祝咗，對我嚟講日日都係父親節。」Liz今年收入大增，問她是否送厚禮給父親？她說：「我無論賺多賺少，每個月都畀收入嘅一半做家用。至於禮物，都係食嘢，因為屋企人唔鍾意買嘢。」
文：名人組