林海峰波係花形嘅……

爆開的足球

全港各商場都趁足球熱設計各式各樣的布置及服飾，但林海峰（Jan）則以少見的可愛手法，以足球上五角圖案演繹出如花花一樣的Mr. Panel Icon。「主要係好多設計都被其他人用了，所以就想到這另類設計。設計時間好緊迫，但就唔係用咗好多時間。這個Mr. Panel以足球上的五角形為設計重點，再加上南非的黃色及綠色，好似一個爆開的足球一樣，而中間就飾以不太顯眼的30mething三點圖案，哈哈。」

除了設計Tee外，熱愛足球的他更為自己球隊設計了一件波衫。「依家我自己同朋友有一隊球隊，每星期都會踢一場比賽，我亦為球隊特別設計了自家波衫，不過就沒有留意其他球隊的波衫，因為四圍都有得賣，不再矜貴。」除三款Tee外，Jan還為商場設計一款終極版「世界杯」於7月10日至11日換領，不過力求完美的Jan還要為此杯作最後修改，所以暫時未能曝光。

由即日起至7月11日，每星期於wtc more消費滿$1,500，可分階段免費換領Mr. Panel別注版圖案Tee。（Mr. Panel大Logo Tee 6月19日及20日換領）

Mr.Panel細Logo Tee。（6月26日及27日換領）

一定支持非洲球隊

今年世界盃，Jan還跟李克勤每朝開咪講波，問到他會支持哪隊球隊時，他一貫鬼馬作風話一定要支持非洲球隊。「主要係今屆賽事在南非舉行，睇報道話嗰邊的治安不太好，加上係人哋地頭，四圍都係非洲球隊fans，所以點可以唔支持佢哋？」至於邊隊球隊會爆冷突圍，佢又用「晴朗」主持的搞鬼評論口脗去分析，將足球同時事混為一談。「北韓好神秘，佢隨時收埋幾件仲勁過阿根廷美斯，但你唔知佢出乜嘢，可能佢會出個飛彈，炸咗佢同組的巴西咁點算！」

同場加賣：官方Tee

wtc more還設有專櫃，售賣世盃官方服飾，除一般的大會Logo Tee外，還有不少國家隊的Tee款，最適合球迷穿着支持心水球隊。

紅色英格蘭隊Tee $159	法國隊Tee $249	黑色圖案背心 $179
白色×金色圖案Tee $179	藍色男裝Polo Tee $229

撰文：朱寶茵

攝影：方偉堅

查詢電話：2576 4121