戴夢夢吼實老闆百萬屏風

林建名旗下鱷魚恤中心開幕暨大名集團榮遷之喜，趙碩之、戴夢夢、尹蓁晞（Yumi）等旗下藝人齊齊到賀，現場有醒獅助興，林建名更送上醒獅採青的生菜予眾人，寓意大家賺大錢。
趙碩之（右）及戴夢夢賀老闆旗下集團榮遷之喜。
趙碩之（右）及戴夢夢賀老闆旗下集團榮遷之喜。

戴夢夢被問到送甚麼禮物給老闆？她笑說：「我會送個古董畀林生，因為知道佢好鍾意收藏古董，其實我係有私心，因為希望佢回贈佢房間入面值數百萬嘅屏風畀我，令我有富貴嘅感覺。」Yumi則說：「我係第一個受惠者，林生特登將一間房改裝成藝人專用房，入面有排舞室、化妝間、仲有沖涼設施，我仲係第一個喺入面度身、Fitting嘅藝人。」

林建名旗下眾藝人齊集新開幕的鱷魚恤中心。
  • 林建名旗下眾藝人齊集新開幕的鱷魚恤中心。